الماتى وبلىسىندا ەرەكشە ينستاللياتسيا بار. بۇل - 1000 فۋتبول دوبى قويىلعان ۇلكەن الاڭ. جوبا اۆتورلارى ونىڭ يدەياسى مەن نە ءۇشىن جاسالعانى تۋرالى ايتىپ بەردى, دەپ حابارلايدى Egemen.kz.
ينستاللياتسيا «مۇمكىندىككە تولى فۋتبول الاڭى» دەپ اتالادى. ونىڭ اۆتورى — شاعىن قالالار مەن اۋىلداردا, ياعني بالالار تاجىريبەلى تالىمگەرمەن بىرگە سپورتپەن شۇعىلدانا المايتىن جەرلەردە, تەگىن جاتتىعۋلار ۇيىمداستىراتىن كوممەرتسيالىق ەمەس Supernovas بالالار جوباسى. 1000 دوپتان تۇراتىن الاڭ وسى ءبىر ادىلەتسىزدىككە توسقاۋىل قويىپ, بالالار فۋتبولىنا نازار اۋدارتىپ, قازاقستاندا باتىل يدەيالاردى جۇزەگە اسىرۋعا بولاتىنىن دالەلدەۋگە باعىتتالعان.
«مۇمكىندىككە تولى فۋتبول الاڭى — شەكارالار جويىلىپ, جاڭا باستامالارعا جول اشاتىن جەر. بۇل ۇيرەنشىكتى نارسەگە جاڭا قىرىنان قاراپ, مىقتى يدەيا قار قاتقان الاڭدى دا جارىپ شىعاتىنىن دالەلدەۋدىڭ امالى. وسى تۇستا بىزگە 1000 دوپ كومەكتەسە الا ما؟ بىرگە كوز جەتكىزەيىك!», دەلىنگەن بەينەروليكتىڭ سيپاتتاماسىندا.
Supernovas - 2022 جىلدان باستاپ بۇكىل قازاقستان اۋماعىندا 9 سەكتسيا اشقان InDrive-تىڭ حالىقارالىق باستاماسى. جوبا كومانداسى ءاربىر بالا ءوز الەۋەتىن كورسەتە الاتىن تاتۋ ءارى دەمەۋ بولاتىن قاۋىمداستىقتى قۇرادى. Supernovas-تىڭ باستى قۇندىلىقتارى: قاۋىپسىزدىك, اشىقتىق, پوزيتيۆ, تۇلعالىق دامۋ, جاۋاپكەرشىلىك پەن كوماندالىق رۋح.
«Supernovas ءۇشىن بالالار ءاردايىم ءبىرىنشى ورىندا. ءبىز ولاردىڭ باستامالارىن قولداپ, تالانتتارىن دامىتىپ, وزىنە دەگەن سەنىمدىلىكتى قالىپتاستىرامىز. ءبىزدىڭ كوماندامىز ءۇشىن ءار بالا - جۇلدىز, ءبىز ولاردىڭ بارلىق جەتىستىگىن ماقتان تۇتامىز. ءبىزدىڭ باپكەرلەر جاي عانا جاتتىقتىرۋشىلار ەمەس, ولار ويىن تەحنيكاسىمەن قاتار, ومىرلىك كەڭەستەرىن دە ايتىپ وتىراتىن تالىمگەرلەر. ءبىز باپكەرلەر قۇرامىن وقىتۋ كەزىندە جاۋاپكەرشىلىك تانىتىپ, ولارعا ءتۇرلى رەسۋرستار جانە ادىسكەرلەر مەن پسيحولوگتاردىڭ كومەگىن دە ۇسىنامىز», دەيدى Supernovas وكىلدەرى.