جىل باسىنان بەرى 11,2 مىڭ ازامات «Skills Enbek» كاسىپتىك وقىتۋ پلاتفورماسىندا ونلاين-كۋرستاردان وتكەنى تۋرالى سەرتيفيكات الدى. ولاردىڭ ىشىندە 5,7 مىڭعا جۋىق ادام – جۇمىسسىز. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.
پلاتفورمادا بارلىعى 368 مىڭ ازامات بولسا, ونىڭ 12,5 مىڭى 2024 جىلى تىركەلدى. بيىل وقۋدان وتكەن 5,7 مىڭ جۇمىسسىز ازاماتتىڭ 1,7 مىڭعا جۋىعى – نەگىزىنەن تۇركىستان, جامبىل, قوستاناي وبلىستارى مەن شىمكەنت قالاسىنىڭ جاستارى.
پلاتفورما ىسكە قوسىلعاننان باستاپ اۆتورلار ءارتۇرلى باعىت بويىنشا 475 كۋرس جاريالادى. ونىڭ 241-ءى – تەگىن. سونداي-اق ودان ءارى وقۋ ءۇشىن ءبىلىم بەرۋ الاڭدارىنا اۋىسۋ مۇمكىندىگىمەن «Courstore» جانە «Fluent Education» سەرىكتەستەرىنىڭ كۋرستارى بار. كۋرستاردىڭ ۇزاقتىعى 1-دەن 72 ساعاتقا دەيىن.
قاڭتار ايىنداعى ەڭ كوپ سۇرانىسقا يە كۋرستار – ء«جۇرىپ-تۇرۋى قيىن ادامداردى الىپ جۇرۋگە ارنالعان جەكە كومەكشىنىڭ كاسىبي كۋرسى», «ەكولوگيالىق قاۋىپسىزدىك نەگىزدەرى», «ساتۋشى», «قارجىلىق ساۋاتتىلىق», «مەكتەپ جاسىنا دەيىنگى بالالارمەن جۇمىس».
پلاتفورمادا تۇرۋ جانە تاماقتانۋ, قۇرىلىس جانە تكش, الەۋمەتتىك قىزمەت كورسەتۋ, قارجى جانە بۋحگالتەرلىك ەسەپ, اقپاراتتىق تەحنولوگيالار جانە ت.ب. سالالارداعى ءتۇرلى ماماندىق بويىنشا تەگىن كۋرستار سانى ۇنەمى ارتىپ كەلەدى.
بىلتىرعى جەلتوقسان ايىنان باستاپ كۋرستاردى «Enbek» ءموبيلدى قوسىمشاسى ارقىلى وقۋعا بولادى. قوسىمشانى Google Play جانە App Store-دان جۇكتەۋگە بولاتىنىن ەستەرىڭىزگە سالامىز.