كەشە فۋتبولدان ۋەفا چەمپيوندار ليگاسىنىڭ 1/8 فينالىنا شىققان كوماندالاردىڭ سوڭعى جۇپتارى كۇش سىناستى. بۇل باسەكەلەر يتاليانىڭ نەاپول جانە پورتۋگاليانىڭ پورتۋ قالالارىندا ءوتتى.
نەاپولداعى ماتچتا گول تۋرا ءبىر ساعاتتان سوڭ سوعىلدى. ءبىرىنشى تايمدا «بارسەلونا» قارسى جاققا جەتى سوققى جاساسا, سونىڭ ۇشەۋى قاقپاعا ءدال باعىتتالدى. تەك قاقپاشى الەكس مەرەتتىڭ العىرلىعىنىڭ ارقاسىندا ەسەپ اشىلعان جوق. الاڭ يەلەرى بىردە-ءبىر قاۋىپتى جاعداي جاساي المادى. دەسەك تە 60-مينۋتتا دوپ توردا تۋلادى. پەدريدەن جاقسى پاس العان روبەرت لەۆاندوۆسكي نىسانانى ءدال كوزدەدى – 0:1. بىراق كاتالونيالىق كلۋب بۇل ەسەپتى ۇزاق ساقتاپ تۇرا المادى. ارادا 15 مينۋت وتكەننەن سوڭ ۆيكتور وسيمحەن تارازى باسىن تەڭەستىردى.
پيرەنەي تۇبەگىندە «پورتۋ» مەن «ارسەنال» اراسىندا وتكەن ماتچتا دا قوس كوماندانىڭ ويىنشىلارى قانشا جانتالاسسا دا, دوپتى ءدال تەبە المادى. نەگىزى ۋاقىت اياقتالىپ, تورەشى بەلگىلەگەن 4 مينۋتىنىڭ سوڭعى سەكۋندىندا سەرجيۋ كونسەيساۋدىڭ شاكىرتتەرىن قارىمتا شابۋىل ۇيىمداستىرىپ, ۆاندەرسون گالەنونىڭ الىستان تەپكەن دوبىنا قاقپاشى توسقاۋىل بولا المادى – 1:0.