بۇگىن پاريج-2024 وليمپيادا جانە پاراليمپياداعا دايىندىق شتابى دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعى مەن ۇلتتىق پاراليمپيادا كوميتەتىنىڭ وكىلدەرىمەن كەزدەستى. جيىن بارىسىندا جەڭىپ العان ليتسەنزيالار سانى, مەدالدىق جوسپار, سپورتتىق فورما ۇلگىسى, وقۋ-جاتتىعۋ جيىندارى, اقپاراتتىق قولداۋ كورسەتۋ جانە ودان دا باسقا دايىندىق ماسەلەلەرى تالقىلاندى, دەپ حابارلايدى Egemen.kz csp_ parasport.kz ينستاگرام پاراقشاسىنا سىلتەمە جاساپ.
«پارا سپورتشىلارىمىز جىل سايىن مەدالدىق كورسەتكىش بويىنشا جاڭا جەتىستىكتەرگە جەتىپ, ەل ابىرويىن حالىقارالىق جارىستاردا اسقاقتاتىپ ءجۇر, جەتىستىكتەرىنە لايىقتى كوڭىل ءبولىپ, ۇتىمدى دايىندىعىنا جاعداي جاساۋىمىز كەرەك. وسى ماقساتتا شتاب تاراپىنان بارىنشا قولداۋ كورسەتىلەدى», دەدى شتاب باسشىسى ەلسيار قاناعاتوۆ. ايتا كەتسەك, 17-ءشى جازعى پاراليمپيادا ويىندارى بيىل 28 تامىز بەن 8 قىركۇيەك ارالىعىندا فرانتسيانىڭ باس قالاسى پاريجدە وتەدى. جارىسقا الەمنىڭ 184 ەلىنەن 4000-نان استام سپورتشى قاتىسىپ, 22 سپورت تۇرىنەن 549 مەدال جيىنتىعى ساراپقا سالىنادى. قازىرگى ۋاقىتتا قازاقستان قۇراماسى قورجىنىندا سپورتتىڭ 5 ءتۇرى بويىنشا 10 جولداما بار (پارا پاۋەرليفتينگ - 1, پارا ءجۇزۋ - 3, پارا تاەكۆوندو -3, پارا جەڭىل اتلەتيكا - 1, ۆولەيبولدى وتىرىپ ويناۋ - 1 جانە پارا كانوە - 1 ). جوسپاردا 8 سپورت ءتۇرى بويىنشا ليتسەنزيالاردىڭ سانىن 26-عا دەيىن جەتكىزۋ مىندەتى تۇر.