29 اقپان مەن 12 ناۋرىز ارالىعىندا يتاليانىڭ بۋستو-ارسيتسيو قالاسىندا بوكستان پاريج وليمپياداسىنىڭ ليتسەنزيالىق ءتۋرنيرى وتەدى. العاشقى الەمدىك ىرىكتەۋ دوداسىنا ەلىمىزدىڭ قىزدار قۇراماسى اتتاندى, دەپ جازادى Egemen.kz قازاقستان بوكس فەدەراتسياسىنا سىلتەمە جاساپ.
قىزدار قۇراماسىنىڭ باس باپكەرى ءشامىل سافيۋللين, الۋا بالقىبەكوۆا (50 كەلى), جاينا شەكەربەكوۆا (54 كەلى), ريمما ۆولوسەنكو (60 كەلى), ناتاليا بوگدانوۆا (66 كەلى), ۆالەنتينا حالزوۆاعا (75 كەلى) سەنىم ارتپاق.
الەمدىك ىرىكتەۋ ءتۋرنيرى باستالعانعا دەيىن بۇرىمدى بوكسشىلار يتاليانىڭ اسسيزي وقۋ-جاتتىعۋ جيىنىن وتكىزەدى. ازىرگە قىزداردىڭ ەنشىسىندە پاريج وليمپياداسىنىڭ ءبىر جولداماسى عانا بار. بىلتىر كۇزدە قىتايدىڭ حانچجوۋ قالاسىندا وتكەن جازعى ازيا ويىندارىندا كارينا يبراگيموۆا (57 كەلى) ليتسەنزيا يەلەنگەن بولاتىن.