تارازى باسى تەڭ تۇر

اپەننين تۇبەگىندە ميلاننىڭ «ينتەرى» مەن ءمادريدتىڭ «اتلەتيكوسى» ۇزاق ۋاقىت بويى ءبىر-ءبىرىنىڭ قاقپا كىلتىن تابا الماي, ابدەن ابىگەرگە ءتۇستى. باسىمدىق الاڭ يەلەرى جاعىندا بولدى. ولار دوپقا كوبىرەك يەلىك ەتىپ, قارسىلاستارىنىڭ مىسىن باسپاقشى بولدى. بىراق ديەگو سيميونەنىڭ كومانداسى ادەتتەگىدەي قورعانىسقا كوپ كوڭىل ءبولىپ, يتاليالىق كلۋبتىڭ ويىنشىلارىن ءوز ايىپ الاڭدارىنا جولاتپاۋعا تىرىستى. ءار قاۋىپتىڭ بەتىن قايتارعان كەزدە قارىمتا شابۋىلعا دا جۇگىندى. دەسەك تە «اڭدىعان جاۋ الماي قويمايدى» دەمەكشى, ۋاقىت وزا «ينتەر» كوزدەگەن ماقساتىنا قول جەتكىزدى. 79-مينۋتتا لاۋتارو مارتينەستىڭ باعىتتاعان دوبىن قاقپاشى يان وبلاك كەرى قايتارعانىمەن, لەزدە سول جەردەن تابىلا قويعان ماركو ارناۋتوۆيچ نىسانانى ءدال كوزدەدى – 1:0. بۇل ەسەپ ماتچتىڭ سوڭىنا دەيىن ساقتالدى.

نيدەرلاندتا وتكەن كەزدەسۋدە قوناقتار العاشقى بولىپ ەسەپ اشتى. 24-مينۋتتا «بورۋسسيانىڭ» شابۋىلشىسى دونيەلل مالەن مەرگەندىك تانىتتى. ۇزىلىستەن كەيىن «ەيندحوۆەننىڭ» كاپيتانى ليۋك دە يونگ 11 مەترلىك نۇكتەدەن ءمۇلت كەتكەن جوق – 1:1.