كوروناۆيرۋستان قۇتىلعان جوقپىز

وسى ماسەلەگە وراي, وڭىر­­لىك كوم­مۋنيكاتسيالار قىز­مە­­تىندە وتكەن بري­فينگتە الما­تى قالالىق ساني­تار­لىق-ەپي­دەميو­­لو­گيالىق باقىلاۋ دەپار­­تا­مەن­تىنىڭ باسشىسى, قالا­نىڭ باس مەملەكەتتىك ساني­تار­لىق دارى­گەرى قاسىمحان الپىس­باي­ ۇلى كەيىنگى 7 كۇندە اۋرۋ جۇق­تىرعاندار سانى 1,5%-عا وسكەنىن, 42 تۇرعىننان كورو­نا­ۆي­رۋس تابىلعانىن مالىمدەدى. ونىڭ الدىنداعى اپتادا زەرتحانا 29 ادامدا ۆيرۋس بار ەكەنىن راس­­تاعان ەدى. سون­دىقتان ەپيدە­ميو­­­لوگ­تەرگە ينفەك­­تسيانىڭ الدىن الۋدا ۆاكتسي­نالاۋ­­دىڭ ما­ڭى­­زىن قايتا ەسكە سالۋعا تۋرا كە­لەدى.

«كوروناۆيرۋس ىندەتىنىڭ الدىن الۋ ءۇشىن ماسكا تاعىپ, جۇرت كوپ جينا­لاتىن جەرلەرگە بارۋدان, قا­شىقتىق ساقتاپ, قىزۋى جوعا­رى ناۋقاستاردان اباي بولۋ كەرەك. كەسەلدىڭ الدىن الۋ ءۇشىن ءۇي-جايدى ۇنەمى جەلدەتىپ, تازا­لىق ساقتاپ, جەكە گيگيەنا ەرە­جەلەرىن ساقتاعان ءجون», دەيدى قالانىڭ باس سانيتارلىق دارىگەرى.

دەپارتامەنت مالىمەتتەرىنە سۇيەنسەك, جىل باسىنان بەرى تىركەلگەن 217 جاعدايدىڭ ىشىندە اۋرۋ­حاناعا وزدىگىنەن كە­لىپ قا­رال­عان – 190, پرو­فيلاك­تي­كا­لىق ماق­ساتتا تەك­سەرىل­گەن – 17, ەپي­دە­­ميو­لو­گيا­لىق كورسەت­كىش­تەر بو­يىنشا 10 ادامنىڭ كوروناۆي­رۋس جۇق­تىر­عانى ايان بولدى.

جىل باسىنان بەرى Covid-19 ين­فەكتسياسىن جۇقتىرعانداردىڭ جاس ەرەكشەلىگىنە توقتالاتىن بول­­ساق, ءبىر جاسقا دەيىنگى بالالار – 21, 14 جاسقا دەيىنگىلەردە – 30, 15-19 جاستاعى جاسوسپىرىمدەر ارا­­سىندا – 8, 20-39 جاس ارالى­عىن­­داعىلاردان – 76, 40-59 جاس ارا­­لىعىنداعى ادامداردان – 34, 60 جاس جانە ودان جوعارى جاس­تا­­عى­­لار اراسىندا 69 جاعداي تىر­كەلدى.

تاعى ءبىر توقتالا كەتەتىن ما­سە­لە – قىزىلشا ەپيدەمياسى. قا­­سىم­حان الپىسباي ۇلىنىڭ اي­­تۋىنشا, الماتى قالاسىندا 2023 جىلدىڭ ناۋرىز ايىنان بە­رى زەرتحانا راستاعان 5 563 جاع­­داي تىركەلدى. ونىڭ ىشىندە 14 جاس­­قا دەيىنگى بالالار اراسىندا 4 011 (72,1%), 15 جاستان 18 جاس­قا­ دە­يىنگى جاسوسپىرىمدەر اراسىندا – 217 (3,9%) جانە ەرەسەكتەر ارا­سىندا 1 335 (23,9%) ادام قى­­زىلشا جۇقتىرعانى بەلگىلى بولدى.

اسىرەسە بالالار اراسىندا قىزىلشانىڭ ورشۋىنە ءبىرىنشى كەزەكتە ەكپەدەن باس تارتۋ سەبەپ بولىپ وتىر. بۇعان قوسا ۆاكتسينالاۋ­دان مەديتسينالىق بوساتىلعاندار مەن ەگۋ جاسىنا جەتپەگەندىكتەن ەكپە سالدىر­ماعاندار اراسىندا دا قىزىلشا جۇقتىرۋ كوپ تىركەلىپ جاتىر.

ءوز كەزەگىندە سانيتارلىق-ەپيدە­ميولوگيالىق قىزمەت ماماندارى قول قۋسىرىپ, قاراپ وتىرعان جوق. قالادا قىزىلشاعا, پاروتيت قىزامىعىنا قارسى حالىقتى قوسىمشا جاپپاي يممۋنداۋ جۇمىسى جالعاسىپ جاتىر. ماسەلەن, 2023 جىلعى 6 قاراشا مەن 2024 جىلعى 14 اق­پان ارالىعىندا الماتىدا قىزىلشاعا قارسى قجي شەڭ­بە­رىندە بارلىعى 156 794 ادامعا ەكپە جاسالسا, ونىڭ ىشىندە 6 ايدان باستاپ 10 اي 29 كۇنگە دەيىنگى 12 201 بالا, 2 جاستان 4 جاسقا دەيىنگى 77 807 بالا, 8 676 مەديتسينا قىزمەتكەرى مەن بۇرىن قىزىلشاعا قارسى جوسپارلى ەكپە الماعان 58 110 بالا قايتا ۆاكتسينالاۋدان ءوتتى.

بالالاردى جوسپارلى تۇردە ەكپە سالۋ تۇرعىلىقتى جەرى بو­يىنشا قالانىڭ ەمحانالارىندا تەگىن جۇرگىزىلەدى. ۆاكتسينالاۋ ءۇشىن ددۇ سەرتيفيكاتتاعان جانە قازاقستاندا تىركەلگەن, قىزىلشاعا, قىزامىققا, ەپيدە­ميالىق پاروتيتكە قارسى ارالاس ۆاكتسينا قولدانىلادى.

الماتى