الەم كۋبوگىندەگى كۇمىس

جەرلەسىمىز 500 مەترلىك سايىستا مارە سىزىعىن ەكىنشى بولىپ قيىپ ءوتتى. ونىڭ كورسەتكىشى – 41.051 سەكۋند. وسىدان ەكى جىل بۇرىن بەيجىڭدە الاۋى تۇتانعان قىسقى وليمپيا ويىندارىندا تولىق مەدالدار جيىنتىعىن جەڭىپ العان 27 جاستاعى كانادالىق ستيۆەن ديۋبۋا باس جۇلدەنى ولجالادى. ۇيەڭكى جاپىراقتار ەلى وكىلىنىڭ ناتيجەسى – 40.303 سەكۋند. ۇزدىك ۇشتىكتى پولشانىڭ تانىمال سپورتشىسى ميحال نەۆينسكي (41.158 سەكۋند) تۇيىندەدى.

وسى كۇنگە دەيىن دەنيس نيكيشا اتالعان جارىستا 10 مارتە جەڭىس تۇعىرىنا كوتەرىلگەن ەدى. تارقاتىپ ايتساق, 2 التىن, 4 كۇمىس جانە 4 قولانى ەنشىلەدى. مىنە, ەندى ونىڭ قورجىنىنا تاعى ءبىر جۇلدە ءتۇستى. بۇعان قوسا 28 جاستاعى دەنيستىڭ الەم چەمپيوناتىنىڭ ەكى جانە دۇنيەجۇزىلىك ۋنيۆەرسيادانىڭ ءتورت دۇركىن قولا جۇلدەگەرى دەگەن اتاعى بار.