سەنات سپيكەرى ماۋلەن اشىمباەۆ پالاتا بيۋروسىنىڭ وتىرىسىن وتكىزدى. وندا دەپۋتاتتار وسى اپتاداعى ءىس-شارالاردى تالقىلاپ, الداعى سەنات وتىرىسىنىڭ كۇن ءتارتىبىن بەكىتتى, دەپ جازادى Egemen.kz جوعارعى پالاتانىڭ ءباسپاسوز قىزمەتىنە سىلتەمە جاساپ.
20 اقپان كۇنى سەناتتا مەملەكەت باسشىسىنىڭ «ادىلەتتى قازاقستاننىڭ ەكونوميكالىق باعدارى» اتتى 2023 جىلعى 1 قىركۇيەكتەگى جولداۋىن ىسكە اسىرۋ اياسىندا «دەموگرافيالىق ءوسۋ – ۇلتتىڭ ستراتەگيالىق ارتىقشىلىعىنىڭ نەگىزى» تاقىرىبىنا ارنالعان ۇكىمەت ساعاتى وتەدى. دەپۋتاتتار مينيسترلىكتەردىڭ, جەرگىلىكتى اتقارۋشى ورگانداردىڭ جانە مۇددەلى تاراپتاردىڭ وكىلدەرىمەن بىرلەسىپ, دەموگرافيالىق جاعدايدى جاقسارتۋدىڭ, كوشى-قون سالاسىنداعى زاڭنامانى جەتىلدىرۋدىڭ وزەكتى ماسەلەلەرىن تالقىلايدى.
ۇكىمەت ساعاتىنا دايىندىق اياسىندا سەناتورلار سولتۇستىك قازاقستان وبلىسىنا, بىرقاتار مەملەكەتتىك ۇيىمدارعا بارىپ, مەملەكەت باسشىسى قاسىم-جومارت توقاەۆتىڭ دەموگرافيالىق جاعدايدى جاقسارتۋ جونىندەگى تاپسىرمالارىنىڭ ىسكە اسىرىلۋ بارىسىمەن تانىسقانىن اتاپ وتكەن ءجون.
«الداعى پالاتا وتىرىسىندا سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بيزنەس جۇرگىزۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى قارايدى. قۇجاتتا بيزنەس ءۇشىن اكىمشىلىك جۇكتەمەنى ازايتۋعا جانە كاسىپكەرلىك قىزمەت جاعدايلارىن جاقسارتۋعا ارنالعان نورمالار قاراستىرىلعان. ىسكەرلىك بەلسەندىلىكتىڭ دامۋىنا سەرپىن بەرۋ ماقساتىمەن 12 كودەكس پەن 102 زاڭعا ءتيىستى وزگەرىستەر مەن تولىقتىرۋلار ەنگىزۋ كوزدەلىپ وتىر. ودان بولەك, بيۋرو وتىرىسىندا ماجىلىستەن كەلىپ تۇسكەن زاڭدار سەناتتىڭ تۇراقتى كوميتەتتەرىنە ءبولىنىپ بەرىلدى», دەلىنگەن اقپاراتتا.