الماتى وبلىسى بويىنشا سىبايلاس جەمقورلىققا قارسى قىزمەت «الماتى وبلىسى ىلە اۋدانىنىڭ ءبىلىم ءبولىمى» مم باسشىسىنا قاتىستى سوتقا دەيىنگى تەرگەۋ امالدارىن باستادى, دەپ حابارلايدى Egemen.kz.
انتيكور حابارلاماسىنا سايكەس, ول ىلە اۋدانىنىڭ ورتا مەكتەپتەرىندە ءىس جۇزىندە جۇمىس ىستەمەگەن ادامدارعا زاڭسىز جالاقى اۋدارىپ, ادامدار توبىمەن الدىن الا ءسوز بايلاسۋ ارقىلى 680 ملن تەڭگە سوماسىندا بيۋدجەت قاراجاتىن جىمقىردى دەگەن كۇدىككە ءىلىندى.
«سونىمەن قاتار ول لاۋازىمدىق وكىلەتتىكتەرىن اسىرا پايدالانا وتىرىپ, ءوزىنىڭ جۇرگىزۋشىسىن مەكتەپ-گيمنازياعا كاسىبي باعدارشى لاۋازىمىنا جالعان جۇمىسقا ورنالاستىرىپ, وعان زاڭسىز جالپى سوماسى 4.9 ملن تەڭگە جالاقى تولەگەن. سوتتىڭ سانكتسياسىمەن كۇدىكتى قاماۋعا الىندى. تەرگەۋ جالعاسىپ جاتىر», دەلىنگەن رەسمي حابارلامادا.
قر قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.