وزبەك كينەماتوگرافيستەرى سامارقان ءامىرى, رەگيستاندى قۇرعان اتاقتى قولباسشى ءجالاڭتوس باھادۇرگە ارناپ تاريحي كوركەم فيلم ءتۇسىردى. پرەمەراسى ناۋرىز مەرەكەسى قارساڭىنا جوسپارلانعان ەكەن. O’zbekkino ءفيلمنىڭ ترەيلەرىن جاريا ەتتى, دەپ حابارلايدى Egemen.kz kaz.inform.kz سايتىنا سىلتەمە جاساپ.
دجاحانگير احمەدوۆ تۇسىرگەن «امير باҳودير يالانگتўش» فيلمىندەگى شايقاس كورىنىستەرىنە قازاقستاننىڭ Nomad Stants كاسكادەرلار توبى قاتىسقان.
ايتا كەتسەك, اتالعان كوماندا حالىقارالىق كاسكادەرلەر اكادەمياسىنىڭ «تاۋرۋس» سىيلىعىنىڭ يەگەرى.
كوماندا كوپتەگەن گولليۆۋدتىق فيلمدەردىڭ شايقاس ساحنالارىندا جۇمىس ىستەگەن, ولاردىڭ سوڭعىسى — رەجيسسەر جانە پروديۋسەر ريدلي سكوتتىڭ «ناپولەون» ءفيلمى.
فيلمدە وزبەك اكتەرلەرىمەن بىرگە قازاقستان مەن قىرعىزستاننىڭ كينو جۇلدىزدارى دا رولدەردى سومداعان.