قازاقستان رەسپۋبليكاسىنىڭ تۋريزم جانە سپورت ءمينيسترى ەرمەك مارجىقپاەۆ پاريجدە وتەتىن وليمپيادا ويىندارىنا قاتىستى جۋرناليستەردىڭ سۇراعىنا جاۋاپ بەردى, دەپ حابارلايدى Egemen.kz.
ء«بىزدىڭ ءۇمىتىمىز ليتسەنزيالارعا بايلانىستى. وكىنىشكە قاراي, بۇگىندە بىزدە سپورتتىڭ سەگىز تۇرىنەن نەبارى 19 ليتسەنزيا بار, بۇل وتە از. مىسالى, توكيوعا دەيىن بىزدە سپورتتىڭ 15 تۇرىنەن 30-دان استام ليتسەنزيا بولعان», دەدى ەرمەك مارجىقپاەۆ.
سونىمەن قاتار ونىڭ ايتۋىنشا, جاعدايدى جاقسارتۋعا ءالى دە ءۇمىت بار.
«الدا ءالى 70 ليتسەنزيالىق تۋرنير بار, ءبىز ونى قۋىپ جەتۋگە تىرىسامىز. ءبىزدىڭ كوماندا بارلىق وليمپيادا ويىندارىنا 100-دەن 110-عا دەيىن قاتىسۋشىمەن قاتىستى. ۋاقىت بار, ونىڭ ورنىن تولتىرامىز», دەپ قوستى مينيستر.