پوليتسيا قىزمەتكەرلەرى شىمكەنتتە ەسىرتكى جەتكىزۋ ارناسىن جويىپ, قۇنى 30 ملن تەڭگەدەن اساتىن ەسىرتكى قۇرالدارىن تاركىلەدى, دەپ جازادى Egemen.kz Polisia.kz-كە سىلتەمە جاساپ.
«ارنايى ءىس-شارالار بارىسىندا ەققىقب-نىڭ قىزمەتكەرلەرى قالا اۋماعىندا پسيحوتروپتىق زاتتاردى تاراتۋمەن اينالىسقان 24 جاستاعى ەر ادامدى ۇستادى. ودان جارتى كەلى مەفەدرون جانە 25 ءبىر رەتتىك دوزا سالىنعان وراما تابىلدى», دەلىنگەن اقپاراتتا.
ازاماتتىڭ جالدامالى پاتەرىندە 1 كەلىدەن استام ءارتۇرلى ەسىرتكى قۇرالدارى جانە ولاردى ولشەپ وراۋعا ارنالعان زاتتار تابىلدى – تارازى, بەتپەردە, ارنايى كوزىلدىرىك جانە ت.ب. تەكسەرۋ كەزىندە وعان ەسىرتكى قۇرالدارىن الماتى تۇرعىنى قالاارالىق تاكسي ارقىلى جولداپ تۇراتىنى انىقتالدى.
كۇدىكتى ايەلدى پوليتسەيلەر كورشى قالاداعى تۇرعىلىقتى جەرىنەن ۇستادى. ول ءوز ۇيىندە ەسىرتكى تابلەتكالارىن دايىنداۋعا ارنالعان زەرتحانا ۇيىمداستىرعان ەكەن. ازاماتشادان 1,5 كەلى «سينتەتيكا» جانە باسقا دا ەسىرتكى تۇرلەرى تابىلدى.
«ايەل شىمكەنتتىك تانىسىنا تاعى ءبىر «سالەمدەمە» جىبەرىپ ۇلگەرگەنى بەلگىلى بولدى. سمارتفوننان بوساعان قوراپقا ول لسد پسيحواكتيۆتى زاتىن جاسىرىپ, تاكسي ارقىلى سالىپ جىبەرگەن. الايدا, ءتارتىپ ساقشىلارى اۆتوكولىكتى انىقتاپ, ەسىرتكىنى تاركىلەدى. قازىرگى ۋاقىتتا كۇدىكتىلەر تەرگەۋ يزولياتورىندا. پوليتسيا تەرگەپ-تەكسەرۋ ارەكەتتەرىن جۇرگىزىلىپ جاتىر», دەلىنگەن حابارلامادا.