تالدىقورعان قالاسىنىڭ 28 جاستاعى تۇرعىنى ۇشەم دۇنيەگە اكەلدى. بۇل – جەتىسۋ وبلىسى جاڭادان قۇرىلعاننان بەرى ومىرگە كەلگەن العاشقى ۇشەم. سابيلەرىنە زەينەپ, زەيىن, زەينۇر دەگەن ەسىم بەرگەن دۇمبەرگەنوۆتەردىڭ تۇڭعىشى قازىر 10 جاستا. ءسويتىپ جاس وتباسى كوپبالالى اتانىپ وتىر, دەپ حابارلايدى Egemen.kz جەتىسۋ وبلىسى اكىمىنىڭ ءباسپاسوز قىزمەتىنە سىلتەمە جاساپ.
«بيىل 10 قاڭتاردا ولاردىڭ ەكى ۇل, ءبىر قىزى مەرزىمىنەن بۇرىن دۇنيەگە كەلدى. العاشقى كۇندەرى ولاردىڭ جاعدايى اۋىر بولدى. بالالاردىڭ دەنساۋلىعىن ءبىر ايدان استام ۋاقىت دارىگەرلەر باقىلاۋدا ۇستادى. ءبىر اي كولەمىندە نارەستەلەر 400 گرامعا دەيىن سالماق قوستى. قازىرگى ۋاقىتتا بالالاردىڭ دەنساۋلىعى قالىپتى», دەيدى تالدىقورعانداعى وبلىستىق پەريناتالدىق ورتالىقتىڭ ءبولىم مەڭگەرۋشىسى, شتاتتان تىس نەوناتولوگ دانيار راسۋلوۆ.
وبلىستىق دەنساۋلىق ساقتاۋ باسقارماسى وكىلدەرى ۇشەمدى شىعارىپ سالۋ راسىمىنە ارنايى بارىپ, سابيلەرگە ارنالعان جورگەكتەر جيىنتىعىن تارتۋ ەتتى.