تەننيستەن ءابۋ-دابيدە وتكەن تۋرنيردە توپ جارعان ەلەنا رىباكينانىڭ ءبىر ساتكە دە دامىلداۋعا ۋاقىتى جوق. اتالعان جارىس اياقتالعان بەتتە ول بىردەن دوحاعا اتتاندى.
قاتاردىڭ استاناسىندا WTA-1000 باسەكەسى باستالدى. جۇلدە قورى 3 211 715 دوللاردى قۇراعان دودانى رىباكينا ەكىنشى اينالىمنان باستادى. تۇساۋكەسەر كەزدەسۋدە ول قىتايلىق لۋ چجينمەن (№57) كەزدەسىپ, 6:2, 6:1 ەسەبىمەن ونى ويسىراتا ۇتتى. ەلەنا ەندى 1/8 فينالدا امەريكالىق ەمما ناۆاررومەن (№23) شەبەرلىك بايقاسادى. ەرلەر اراسىنداعى قازاقستاننىڭ ءبىرىنشى راكەتاسى الەكساندر بۋبليك (№ 23) نيدەرلاندتىڭ روتتەردامىنداعى ءتۋرنيردىڭ ەكىنشى اينالىمىنا شىقتى. باستاپقى كەزەڭدە ول حورۆاتيالىق بورنا چوريچكە (№ 31) شاڭ قاپتىردى – 6:3, 6:4. كەلەسى اينالىمدا بۋبليك كانادالىق ميلوش راونيچپەن (№ 309) كۇش سىناسادى.
ال اتر رەيتينگىندە 339-ورىندا تۇرعان قازاقستاننىڭ تەننيسشىسى دميتري پوپكو اقش-تىڭ سانرايز قالاسىندا وتكەن ITF ءتۋرنيرىنىڭ جەڭىمپازى اتاندى. سول جارىستا ول دومينيكاندىق دجۋنيور تاۆارەز بەن پيتەر بەرتران, امەريكالىق حەنريك ۆيرسحولم, اكسەل نەفۆەد جانە الەكس رىباكوۆتان ايلاسىن اسىردى.