قر ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى ەلىمىزدە زەرگەرلىك بۇيىمداردىڭ 4,9%-عا قىمباتتاعانىن حابارلادى, دەپ جازادى Egemen.kz.
ستاتيستيكالىق مالىمەتتەرگە سايكەس, قاڭتار ايىنىڭ سوڭىندا قازاقستاندا جىلدىق ماندە زەرگەرلىك بۇيىمدار مەن ساعاتتار 4,3%-عا قىمباتتادى, ونىڭ ىشىندە التىن نەكە ساقينالارى ءبىر جىلدا 2,9%-عا, قول ساعاتتارى 10,1%-عا قىمباتتادى.
«بۇل رەتتە قازاقستاندا باعالى زەرگەرلىك بۇيىمدار ءوندىرىسى قىسقاردى. 2023 جىلدىڭ قاڭتار-جەلتوقسان ايلارى ارالىعىندا زەرگەرلىك بۇيىمدار مەن ۇقساس بۇيىمداردى ءوندىرۋ كولەمى 2022 جىلدىڭ سايكەس كەزەڭىمەن سالىستىرعاندا 17,8%-عا ازايدى», دەپ حابارلادى ۇلتتىق ستاتيستيكا بيۋروسىنىڭ ءباسپاسوز قىزمەتى.
ماسەلەن, 2023 جىلدىڭ 12 ايىندا وتاندىق كومپانيالار 1,2 ملرد تەڭگەنىڭ زەرگەرلىك بۇيىمدارى مەن ۇقساس بۇيىمدارىن ءوندىردى (2022 جىلعى قاڭتار-جەلتوقسان – 1,4 ملرد تەڭگە).