2028 جىلى ەليتالىق ديۆيزيونداعى كوماندالار اراسىنداعى الەم چەمپيوناتى قازاقستاندا ءوتۋى مۇمكىن. جۋىردا وتانداستارىمىز حالىقارالىق شايبالى حوككەي فەدەراتسياسىنا (IIHF) وسىنداي ءوتىنىش ءبىلدىردى.
جالپى, جەرلەستەرىمىز جەر جاھاننىڭ مىقتىلارى جينالعان جارىسقا 11 مارتە قاتىستى. ەڭ ۇزدىك ناتيجەگە 2021 جىلى قول جەتكىزدىك. لاتۆيادا وتكەن ءدۇبىرلى دودادا قازاقستان قۇراماسى 10-ورىنعا تابان تىرەدى. بىلتىر فينليانديا مەن لاتۆيادا جالاۋى جەلبىرەگەن جارىستا 11-ساتىعا تۇراقتادىق. بيىلعى الەم چەمپيوناتى 10-16 مامىر ارالىعىندا چەحيادا ۇيىمداستىرىلادى. وعان قازاقستان قۇراماسى دا قاتىسادى. ءبىزدىڭ حوككەيشىلەر توپتىق تۋرنيردە اقش, گەرمانيا, پولشا, شۆەتسيا, سلوۆاكيا, لاتۆيا جانە فرانتسياعا قارسى وينايدى. ال كەلەسى چەمپيوناتتار شۆەتسيا مەن دانيادا (2025 جىلى), شۆەيتساريادا (2026 جىلى) جانە گەرمانيادا (2027 جىلى) ۇيىمداستىرىلادى.
قازاقستاننىڭ استانا مەن الماتى قالالارىنان بولەك, 2028 جىلى شىمىلدىعى تۇرىلەتىن الەم چەمپيوناتىن قابىلداۋعا گەرمانيا مەن نورۆەگيا دا رەسمي تۇردە ءوتىنىش ءبىلدىردى. كەيبىر دەرەككوزدەرىنە سەنسەك, بۇلاردان بولەك فرانتسيا, ۇلىبريتانيا, اۋستريا جانە رەسەيدىڭ دە سونداي نيەتتەرى بار كورىنەدى.