ۇكىمەت وتىرىسىنان كەيىن ۇلتتىق ەكونوميكا ءمينيسترى نۇرلان بايبازاروۆ ءموبيلدى اۋدارىمداردى تەكسەرۋ ماسەلەسى قايتا قارالاتىنىن ايتتى, دەپ جازادى Egemen.kz.
ۇلتتىق ەكونوميكا مينيسترىلىگىنە ءموبيلدى اۋدارىمدار مەن بەلگىلى مولشەر شەگىندە تۇلعالاردى كاسىپكەر دەپ تانۋ ماسەلەسىن قايتا قاراۋ تاپسىرىلدى.
«بۇل وزەكتى جاعداي. ءبىز قارجىلىق-ەكونوميكالىق بلوكتىڭ ىشىندە بۇل ماسەلەنى قاراستىرامىز. ولشەم شارتتارىن, تەتىكتەرىن ءالى دە ەگجەي-تەگجەيلى قارايمىز. بۇل سۇراققا قايتا ورالامىز», دەدى نۇرلان بايبازاروۆ.
الايدا مينيستر ءموبيلدى اۋدارىمداردى تەكسەرۋدى تۇبەگەيلى توقتاتۋ تۋرالى شەشىم قايتا قارالمايتىنىن مالىمدەدى.
ء«موبيلدى اۋدارىمدار قالادى. بىراق ءالى قايتا قارايتىن تۇستار بار. جەكە كاسىپكەردى انىقتاۋعا كەلسەك, ءبىز قۇقىقتىق مەملەكەتپىز. ادىلەتتى مەملەكەتپىز, دۇرىس پا؟ ءسىز بەن ءبىز وسى زاڭنىڭ ساقتالۋىن قاراۋىمىز كەرەك. بىرەۋلەر زاڭدى سالىقتى تولەيدى, بىرەۋلەر تولەمەيدى. ادىلدىك بولۋ كەرەك. ياعني, ءبارى سالىق تولەۋ كەرەك. بىراق اركىمنىڭ ءوز مولشەرى بولاتىنى تۇسىنىكتى. سوندىقتان ءبىز ءتۇرلى رەجيمدەردى قاراستىرىپ جاتىرمىز. وسى رەجيمدەر ارقىلى سالىق جۇيەسى قالاي جۇمىس ىستەيتىنىن ويلاستىرۋدامىز. بۇل ءبارىن ءبىر ارناعا تىقسىرىپ تاستاۋ دەگەن ءسوز ەمەس», دەدى مينيستر.