اقتوبە وبلىسىندا اقتۇتەك بوراندا قالىپ قويعان كولىك جۇرگىزۋشىلەرى 1300 تەڭگەگە نان ساتىپ الۋعا ءماجبۇر بولدى. باعاسىن قىمباتتاتىپ پايدا تاپپاق بولعان الىپساتارلارعا شاعىم تۇسىرگەن تۇرعىندار اۋىل اكىمىنىڭ كەلۋىن تالاپ ەتىپ وتىر, دەپ حابارلايدى Egemen.kz.
كتك ارناسى حابارلاعانداي, سامارا - شىمكەنت تاس جولىنىڭ حرومتاۋ قالاسى مەن قوبدا اۋىلىنا دەيىنگى اۋماعىندا جۇزگە جۋىق كولىك كەپتەلىستە تۇر.
اقتۇتەك بوراندا قالىپ قويعان جۇرگىزۋشىلەردىڭ شاراسىزدىعىن پايدالانعان الىپساتارلار ءبىر بولكە ناندى 1300 تەڭگەدەن ساتقان. اۋدان باسشىلارى قىمبات ناننىڭ ساۋداگەرلەرىن سول كۇيى انىقتاي المادى.
جول بويىنداعى ءدامحانالار مەن دەمالىس ورىندارىنىڭ يەلەرى نان باعاسىن 160-185 تەڭگەدەن اسىرماعانىن ايتىپ وتىر, بۇنى جۇرگىزۋشىلەر دە راستاعان.