وتكەن جىلى قازاقستان ۇلتتىق بانكى مەن ەكىنشى دەڭگەيلى بانكتەر 649 100 تەڭگەگە بارابار 181 جالعان اقشا بەلگىسىن انىقتادى. ونىڭ 179-ى – بانكنوتا, ەكەۋى – مونەتا. دەسە دە بۇل كورسەتكىش 2022 جىلمەن سالىستىرعاندا 53,7%-عا از, دەپ حابارلايدى Egemen.kz ۇلتتىق بانكتىڭ ءباسپاسوز قىزمەتىنە سىلتەمە جاساپ.
تالداۋ جۇمىستارىنىڭ قورىتىندىسىنا سايكەس, كەلەسى بانكنوتالاردىڭ قولدان كوپ جاسالاتىنى انىقتالدى: 5000 تەڭگە – 68 دانا (جالپى انىقتالعان جالعان اقشا سانىنىڭ 37,6%-ى), 2 000 تەڭگە – 58 دانا (32%).
قولدان جاسالعان اقشالاردىڭ كوپ مولشەرى الماتى قالاسى مەن الماتى وبلىسىندا انىقتالدى – 124 دانا نەمەسە جالپى سانىنىڭ 68,5%-ى. قالعان وڭىرلەردە 57 دانا نەمەسە جالپى سانىنىڭ 31,5%-ى.
قازاقستاندا جالعان بانكنوتالار كوبىنە كومپيۋتەرلىك تەحنيكانى, قاراپايىم ءتۇرلى ءتۇستى پرينتەر مەن وفسەتتىك قاعازداردى قولدانۋ ارقىلى جاسالادى. اقشانى قولدان جاساۋشىلار ۆيزۋالدى قورعانىش ەلەمەنتتەرىن مەيىلىنشە ۇقساتىپ جاساۋعا تىرىسادى.
2000 تەڭگە
جالعان بانكنوتا شىنايى بانكنوتا
قالىپتى جارىقتا:
ۋلتراكۇلگىن ساۋلە استىندا:
5000 تەڭگە
جالعان بانكنوتا شىنايى بانكنوتا
قالىپتى جارىقتا:
ۋلتراكۇلگىن ساۋلە استىندا:
جالعان اقشانى تۇپنۇسقادان قالاي اجىراتۋعا بولاتىنى تۋرالى اقپاراتپەن قۇب-تىڭ رەسمي سايتىندا نەمەسە قۇب-تىڭ YouTube-تەگى رەسمي اككاۋنتىندا تانىسۋعا بولادى.