قاراعاندىدا جەدەل جاردەم كولىگىنىڭ جۇرگىزۋشىسىن ۇرعان نۇربولات داكەباەۆ ەكى ايعا قاماۋعا الىندى, دەپ حابارلايدى Egemen.kz.
انىقتالعانداي, تەرگەۋ سوتى كۇدىكتىنى سىرتتاي قاماۋ تۋرالى پروكۋرور شاعىمىن قاناعاتتاندىرعان.
- 28 قاڭتاردا سوت سىرتتاي نۇربولات داكەباەۆقا قاتىستى 2 ايعا قاماۋ تۋرالى بۇلتارتپاس شاراسىن تاعايىندادى. ول ۇكىمگە قارسى شاعىم تۇسىرگەن جوق, – دەلىنگەن سوت اقپاراتىندا.
ەسكە سالايىق, 27 قاڭتاردا قاراعاندىدا ەر ادام جەدەل جاردەم جۇرگىزۋشىسىن ۇرعان ەدى. وقيعانىڭ ۆيدەوسى جەلىدە تاراپ كەتكەن.
سالدارىنان جابىرلەنۋشىنىڭ ميى شايقالىپ, مۇرنى سىنعان, كەۋدە مەن بەتتىڭ جۇمساق تىندەرىنە زاقىم كەلگەن.
جۇرگىزۋشىنىڭ ايتۋىنشا, ەر ادامعا جەدەل جاردەم كولىگىن تۇراققا قويعانى ۇناماي قالعان.
كۇدىكتى نۇربولات داكەباەۆقا ىزدەۋ جاريالانىپ, ول 1 اقپاندا قاراعاندىدان 200 شاقىرىم جەردەگى قىستاۋدا ۇستالدى. ول ءۇش جىلعا دەيىن سوتتالۋى مۇمكىن.