تالدىقورعان قالاسىندا ۇلتتىق ۇلاننىڭ جاۋىنگەرلەرى جاپپاي توبەلەسكە قاتىسۋشىلاردان تراۆماتيكالىق تاپانشا, پىشاق, كوزدەن جاس اعىزاتىن بۇرىككىشتەردى تاركىلەدى, ولار جانجال كەزىندە اتالعان قارۋلاردى قولدانعان, دەپ حابارلايدى Egemen.kz.
ۇلتتىق ۇلان ءباسپاسوز قىزمەتىنىڭ مالىمەتىنشە 1 اقپاندا ساعات 18:45 شاماسىندا تالدىقورعان قالاسى قابانباي باتىر (اربات) كوشەسى بويىندا پاترۋلدىك بەكەت قىزمەتىن اتقارىپ جۇرگەن اسكەري جاساق ءبىر-بىرىمەن توبەلەسكەن بۇزاقىلار توبىن بايقاعان. ەفرەيتور ادىلەت تەمىروۆ, ءپاترۋلشى قاتارداعى جاۋىنگەرلەر – قىلىشبەك تولىباەۆ, اقان يمانبەك, ەرمەك ناعىمەتوۆتەر جەدەل ءىس-قيمىلدارى ءارى كاسىبي شەبەرلىكتەرىمەن توبەلەس شىعارعان توپقا قاتىسى بار ەكى بۇزاقىنى ۇستاپ, قاقتىعىستىڭ ودان ءارى شيەلەنىسۋىنە جول بەرمەدى جانە اينالاسىنداعىلاردىڭ قاۋىپسىزدىگىن ساقتاي ءبىلدى.
ۇلاندىقتار بولعان وقيعانىڭ ءمان-جايىن انىقتاۋ ءۇشىن قوعامدىق ءتارتىپتى بۇزۋشىلاردى قالالىق پوليتسيا باسقارماسىنىڭ قىزمەتكەرلەرىنە جەتكىزدى.