قازاقستانداعى حالىق سانى تۋرالى جاڭا دەرەكتەر جاريالاندى

1 اقپانداعى مالىمەت بويىنشا قازاقستان حالقىنىڭ سانى 20 033 546 ادامعا جەتكەن. 1 جىلدىق ءوسىم 266 739 ادامدى قۇرادى.

ەڭ كوپ حالىق الماتى قالاسى (2 228 515 ادام), تۇركىستان (2 142 005 ادام) جانە الماتى (1 531 044 ادام) وبلىستارىندا تۇراتىنى بەلگىلى بولدى.

ال ەلدەگى حالىق سانى ميليوننان اساتىن قالا, وبلىس قاتارىندا استانا (1 430 163 ادام), شىمكەنت (1 222 055 ادام), جامبىل (1 222 597 ادام) جانە قاراعاندى ​​(1 135 411 ادام) ايماقتارى بار.

بيۋرو دەرەگى بويىنشا ەل تۇرعىندارىنىڭ باسىم بولىگى 12 451 004 ادام قالادا تۇرادى. اۋىلدىق جەردە قونىستانعان حالىق سانى - 7 582 542. 

ايتا كەتەيىك, قازاقستان حالقىنىڭ سانى 2023 جىلدىڭ قاراشا ايىندا 20 ميلليونعا جەتكەن ەدى.

دەموگراف ماماندار ەل حالقى 30 ميلليونعا قاشان جەتەتىنىن دە بولجادى.

بۇعان دەيىن حالقىمىزدىڭ سانىن 20 ميلليونعا جەتكىزگەن 5 ءسابيدىڭ قاي وڭىردە تۇراتىنىن دا حابارلاعان ەدىك.