بيىل جازدا فۋتبولدان گەرمانيادا جالاۋى جەلبىرەيتىن ەۋروپا چەمپيوناتىنىڭ ىرىكتەۋ سايىستارى ءالى اياقتالعان جوق. ءدۇبىرلى دوداعا قاتىسۋعا ءۇمىتتى كوماندالار قاتارىندا قازاقستان دا بار.
العاشقى ىرىكتەۋ كەزدەسۋدى جەرلەستەرىمىز 21 ناۋرىزدا افينادا گرەكيا قۇراماسىنا قارسى وتكىزەدى. سول باسەكەگە تىڭعىلىقتى دايارلانۋ ماقساتىندا ماگومەد اديەۆ ءوز شاكىرتتەرىن بىرىككەن اراب امىرلىگىنە ء(باا) اپارۋدى ءجون كوردى. 8 ناۋرىزدا ولار دۋبايدا وقۋ-جاتتىعۋ جيىنىن باستايدى.
ال 14 ناۋرىزدا تۇرىكمەنستانمەن جولداستىق كەزدەسۋ وتكىزۋدى جوسپارلاپ وتىر. كاسپي تەڭىزىنىڭ جاعالاۋىندا ورنالاسقان بۇل مەملەكەتتە فۋتبول ونەرى جاقسى دامىپ جاتىر دەپ ايتا المايمىز. ولاردىڭ ۇلتتىق قۇراماسى حالىقارالىق دودالاردا ۇنەمى جەڭىلىستىڭ كەرمەك ءدامىن تاتىپ ءجۇر. ازيا چەمپيوناتى مەن كۋبوكتىك باسەكەلەردە دە اۋىز تولتىرىپ ايتارلىقتاي تابىستارعا جەتە العان جوق. قازىرگى كەزدە تۇرىكمەنستان فيفا رەيتينگىندە 141-ورىندى قاناعات تۇتتى. ال قازاقستان قۇراماسى 100-ورىندى يەلەندى.