ورال قالاسىندا «Star» ءبىلىم جانە ونەر ورتالىعىندا «قازاق قىزى» جوباسى اياسىندا انالار مەن قىزدارعا ارنالعان شەبەرلىك ساعاتى ءوتتى. مەكتەپ جاسىنداعى 40 قىز بەن ولاردىڭ انالارى ۇلتتىق بۇيىم – شەكەلىك پەن شاشباۋدىڭ قىر-سىرىنا قانىقتى.
قازاق حالقىنىڭ ادەت-عۇرپى, سالت-ءداستۇرى جانە ونەرى مەن قۇندىلىقتارىن دارىپتەپ جۇرگەن «Star» ءبىلىم جانە ونەر ورتالىعى باتىس قازاقستان وبلىستىق تاريحي-ولكەتانۋ مۋزەيىمەن بىرگە تاعىلىمدى ءىس-شارا ۇيىمداستىردى.
قازاق قىزدارىن قولونەرگە باۋلۋ ءۇشىن ۇيىمداستىرىلعان شەبەرلىك ساباعى حالقىمىزدىڭ ۇلتتىق بۇيىمدارى – شەكەلىك جانە شاشباۋ جاساۋعا ارنالدى. اۋەلى انالار مەن قىزدار وبلىستىق تاريحي-ولكەتانۋ مۋزەيى قورىنان اكەلىنگەن كۇمىس اشەكەي بۇيىمدارى كورمەسىمەن تانىستى. مۋزەيدىڭ ەكسكۋرسيا ۇيىمداستىرۋ جانە ەكسكۋرسيالىق قىزمەت كورسەتۋ ءبولىمىنىڭ مەڭگەرۋشىسى جانارگۇل ابىلايقىزى ءىس-شاراعا قاتىسۋشىلارعا حVIII–حح عاسىرلار جادىگەرى – شەكەلىك, شاشباۋ, وڭىرجيەك, قۇستۇمسىق جۇزىك, قۇداعي جۇزىك, ت.ب بۇيىمدارىن كورسەتىپ, ءار بۇيىمنىڭ ءمان-ماعىناسىن, تاريحىن ايتىپ بەردى. وسىدان كەيىن اناسى مەن قىزى بولىپ بىرلەسە اشەكەي بۇيىمدارىن وزدەرى جاساۋعا كىرىستى. ولارعا شەبەر اسەل نۇرجانقىزى اقىل-كەڭەس بەرىپ ءجۇردى.
ء«بىزدىڭ «قازاق قىزى» دەپ اتاعان جوبامىزدىڭ ماقساتى – حالقىمىزدىڭ ونەرى مەن قۇندىلىعى ارقىلى قىز بالا تاربيەسىن ەسكە ءتۇسىرۋ, انا مەن قىز اراسىنداعى نازىك قارىم-قاتىناستى وياتۋ», دەيدى «Star» ءبىلىم جانە ونەر ورتالىعىنىڭ جەتەكشىسى ايگۇل باۋىرجانقىزى.
باتىس قازاقستان وبلىسى