جەمقورلىق كارتاسىنداعى نىساندار

سىبايلاس جەمقورلىققا قارسى ءىس-قيمىل اگەنتتىگى اتىراۋ وبلىستىق دەپارتامەنتىنىڭ باسشىسى ەرۇلان سەرىكقاليەۆتىڭ ايتۋىنشا, انتيكوردىڭ باستى مىندەتى – بيۋدجەت قاراجاتىن جىمقىرۋعا جول بەرمەۋ.

«اتىراۋ وبلىسىندا جەمقورلىق تاۋەكەلى كارتاسىنا 8 نىسان ەنگىزىلىپ وتىر. بىرىنشىدەن, كارتاعا قىزىلقوعا جانە ماحامبەت اۋدانىنداعى مادە­نيەت ۇيلەرى ەندى. بۇل نىسانداردىڭ قۇرىلىسى توقتاپ قالعان. ەكىنشىدەن, يساتاي مەن ماقات اۋدانىنداعى 60 پاتەرلىك, يندەر اۋدانىنداعى 80 پاتەرلىك تۇرعىن ۇيلەر دە ەنگىزىلىپ وتىر. ۇشىنشىدەن, اتىراۋ قالاسىنا تاياۋ ورنالاسقان تالعايراڭ اۋىلىن­داعى 9 قاباتتى 90 پاتەرلىك 7 تۇرعىن ءۇيدىڭ, كارىز جانە سۋمەن جابدىقتاۋدىڭ ينجەنەرلىك جەلىلەرىن سالۋ قۇرىلىسى دا بار. تورتىنشىدەن, يساتاي اۋدانىنىڭ اققىستاۋ اۋىلىنداعى ءورت ءسوندىرۋ دەپوسىنىڭ قۇرىلىسىن دا اتالعان كارتاعا ەنگىزۋدى ءجون كوردىك. بيۋدجەت قاراجاتىن جىمقىرۋعا جول بەرمەۋ ءۇشىن اتالعان نىساندارعا ۇدايى مونيتورينگ جۇرگىزىلەدى. مونيتورينگتىك توپقا سىبايلاس جەمقورلىققا قارسى ەرىكتىلەر دە, جۇرتشىلىق تا قوسىلدى», دەيدى ەرۇلان سەرىكقاليەۆ.

ونىڭ ايتۋىنشا, ماحامبەت اۋدانىنىڭ سارىتوعاي اۋىلىنداعى مادەنيەت ءۇيىنىڭ قۇرىلىسى 2017 جىلى باستالىپ, وعان 260 ملن تەڭگە بولىنگەن. مادەنيەت ءۇيى 200 ورىنعا ەسەپتەلگەن. الايدا نىسان قۇرىلىسى مەرزىمىندە اياقتالمادى.

«مەردىگەرگە قاتىستى سوت ۇدەرىسى باس­تالدى. اتىراۋ وبلىسىنىڭ ما­مان­دان­دىرىلعان اۋدانارالىق ەكونوميكالىق سوتىنىڭ شەشىمىمەن مەردىگەر «ستروي پروەكت-2017» جشس-مەن اراداعى شارت بۇزىلدى. قۇرىلىس كومپانياسىنان تۇراقسىزدىق ايىپپ ۇلى ءوندىرىپ الىنىپ, مەملەكەتتىك ساتىپ الۋعا جوسىقسىز قاتىسۋشى دەپ تانىلدى» دەپ ءمالىم ەتتى ە.سەرىكقاليەۆ.

قازىر سارىتوعاي اۋىلىنداعى مادەنيەت ءۇيىنىڭ قۇرىلىسىن اياقتاۋ ءۇشىن جاڭا مەردىگەر «گراند ماستەر» جشس-مەن شارت جاسالدى. ەندى جاڭا مەردىگەر قۇرىلىس-مونتاج جۇمىستارىن قايتا باستايدى.

ال اتىراۋ قالاسىنىڭ ماڭىنداعى تالعايراڭ ەلدى مەكەنىندە 7 تۇرعىن ءۇيدىڭ قۇرىلىسى دا توقتاپ تۇر. مۇندا تۇرعىن ءۇي قۇرىلىسى ءبىر جىل بۇرىن توقتاپ قالعان. وعان ەكى جايت سەبەپ بولعان.

«ونىڭ ءبىرىنشىسى – مەردىگەردىڭ كەلىسىمشارتتاعى مىندەتتەمەلەرىن جۇيەلى, ۋاقتىلى ورىنداماۋى; ەكىنشىسى – قۇرىلىس ماتەريالدارىنىڭ قىمباتتاۋى. وبلىستىق قۇرىلىس باسقار­ماسىنىڭ ماماندارىمەن, مەردىگەرمەن جانە ەرىكتىلەرمەن بىرگە تالعايراڭ ەلدى مەكەنىندەگى قۇرىلىسى ءبىر جىل بۇرىن توقتاتىلعان 9 قاباتتى 90 پاتەرلىك جەتى تۇرعىن ءۇيدىڭ, سونداي-اق سۋ قۇبىرى مەن كارىز جەلىسىنىڭ قۇرىلىس بارىسىنا مونيتو­رينگ جۇرگىزىلدى. اتىراۋ قالالىق اكىم­دىگىنىڭ قۇرىلىس ءبولىمى تۇرعىن ۇيلەر­دىڭ قۇرىلىسىن جۇرگىزۋ ءۇشىن «تاراز قۇرىلىس ينۆەست» كومپانياسىمەن 13,6 ملرد تەڭگەگە شارت جاساعان. ءار ءۇي ءۇشىن 1,9 ملرد تەڭگە بولىنگەن. وسى كەزگە دەيىن 3,6 ملرد تەڭگە يگەرىلدى», دەپ حابارلادى دەپارتامەنتتىڭ ءباسپاسوز قىزمەتى.

جەرگىلىكتى دەپارتامەنت باسشىسى ەرۇلان سەرىكقاليەۆتىڭ پىكىرىنشە, وبلىس اكىمدىگىمەن بىرگە قۇرىلىسى ۇزاققا سوزىلعان نىسانداردىڭ ماسەلەسىن وڭ شەشۋگە تالپىنىس جاسالىپ وتىر. وبلىس اكىمىمەن بىرگە سىبايلاس جەمقورلىق تاۋەكەلى كارتاسىنا ەنگىزىلگەن نىسان­دارعا بايلانىستى انىقتالعان بۇزۋ­شىلىقتاردى جويۋ, قۇرىلىسىن جىل سوڭىنا دەيىن اياقتاۋ ماقساتىندا ارنايى جوسپار بەكىتىلگەن. جاۋاپتى مەملەكەتتىك ورگاندارعا, قالا مەن اۋدانداردىڭ اكىمدىكتەرىنە تاپسىرمالار بەرىلگەن.

اتىراۋ وبلىسى