ارمان جۇدەباەۆ ۆيتسە-مينيستر قىزمەتىنەن بوساتىلدى

«قازاقستان رەسپۋبليكاسى ۇكىمەتىنىڭ قاۋلىسىمەن ارمان ءادىلحان ۇلى جۇدەباەۆ باسقا جۇمىسقا اۋىسۋىنا بايلانىستى قر مادەنيەت جانە اقپارات ۆيتسە-ءمينيسترى قىزمەتىنەن بوساتىلدى», دەلىنگەن  رەسمي حابارلامادا.

ول بۇل قىزمەتكە 2023 جىلدىڭ شىلدە ايىندا تاعايىندالعان ەدى.

ارمان جۇدەباەۆ 1986 جىلى الماتى وبلىسىندا دۇنيەگە كەلگەن.  قۇرمانعازى اتىنداعى قازاق ۇلتتىق كونسەرۆاتورياسىن تامامداعان.

ەڭبەك جولىن 2006 جىلى «قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترi» رمقك-دا اسپاپتار وركەسترىنىڭ ءارتىسى بولىپ باستاعان.

2009-2011 جىلدارى «قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترi» رمم ديريجەرلەۋ كافەدراسىندا وقىتۋشى, 2011-2013 جىلدارى «قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترi» رمم وقىتۋشىسى, اعا وقىتۋشىسى, 2013-2018 جىلدارى «قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترi» رمم باس ديريجەرى بولعان.

ال 2018-2023 جىلدارى قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى قىزمەتىن اتقاردى.

2023 جىلعى مامىردان شىلدەگە دەيىن مادەنيەت جانە سپورت مينيسترلىگىنە قاراستى مادەنيەت كوميتەتىنىڭ توراعاسى بولىپ جۇمىس ىستەدى.

2023 جىلعى شىلدەدە مادەنيەت جانە اقپارات ۆيتسە-ءمينيسترى قىزمەتىنە تاعايىندالدى.