اباي وبلىسىندا پوليتسەيلەر ماس جۇرگىزۋشىنى توقتاتۋ ءۇشىن تابەلدىك قارۋ قولداندى, دەپ حابارلايدى Egemen.kz اباي وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
ناقتى ايتقاندا, 28 قاڭتاردا تۇندە سەمەي قالاسىنىڭ ماڭىنداعى نوۆو-باجەنوۆو اۋىلىندا پاترۋلدىك روتا ينسپەكتورلارى جول تالعامايتىن كولىكتى بىردەن بايقاعان. سەبەبى, ونىڭ جۇرگىزۋشىسى ءتارتىپ ساقشىلارىن كورگەندە جىلدامدىقتى ارتتىرعانى كۇدىك تۋعىزادى.
ويتكەنى, كۇماندى جۇرگىزۋشى پوليتسەيلەردىڭ زاڭدى تالاپتارىنا باعىنباي, ەلدى مەكەنمەن قاشىپ, توتەنشە جاعداي تۋعىزعان. كۇدىكتى جۇرگىزۋشىنى ۇستاۋ ءۇشىن پوليتسەيلەر اۋاعا ەسكەرتۋ وق اتىپ, سودان كەيىن ماشينانىڭ دوڭگەلەكتەرىن دە قولدانىستان شىعارۋعا تۋرا كەلگەن.
تەكسەرە كەلە, توقتاتىلعان «Mitsubishi Pajero» جۇرگىزۋشىسى «ورتاشا» ەسىرتكىلىك جانە الكگولدىك ماس كۇيىندە ەۇرگەنى انىقتالدى.
وسى ۋاقىتتا اپات تۋدىرعان كولىك ايىپپۇل تۇراعىنا قويىلدى. جۇرگىزۋشى پوليتسيا قىزمەتكەرىنىڭ كولىك قۇرالىن توقتاتۋ تۋرالى زاڭدى تالاپتارىن ورىنداماعانى ءۇشىن, سونداي-اق كولىك قۇرالىن ەسىرتكىلىك جانە الكوگولدىك ماس كۇيىندە باسقارعانى ءۇشىن جاۋاپقا تارتىلدى.