قازاقستاننىڭ حالىق ءارتىسى ءاسانالى ءاشىموۆ ءوزىنىڭ قولجازبالارىن, وردەندەرىن جانە وزگە دە زاتتارىن ارحيۆكە تاپسىرماق. سونىمەن قاتار الماتىداعى مەملەكەتتىك ارحيۆتە «كينو جانە تەاتر تارلانى – ءاسانالى» مۋزەي-بۇرىشىنىڭ سالتاناتتى اشىلۋى وتەدى, دەپ حابارلايدى Egemen.kz.
الماتى قالالىق مادەنيەت باسقارماسىنىڭ ءباسپاسوز قىزمەتى مالىمەتىندە: «قازاقستاننىڭ ەڭبەك ەرى, قازاقستان جانە كسرو حالىق ءارتيسى, كسرو جانە قر مەملەكەتتىك سىيلىقتارىنىڭ لاۋرەاتى, قازاقستان تەاترلار اسسوتسياتسياسىنىڭ پرەزيدەنتى, تەاتر پەداگوگى, پروفەسسور ءاسانالى ءاشىموۆ ءوزىنىڭ قولجازبالارىن, ماراپاتتارىن, فوتوالبومدارىن, سىيلىقتارىن, كىتاپتارىن, وردەندەرىن, توسبەلگىلەرى مەن باسقا دا جەكە زاتتارىن رەسمي تۇردە مەملەكەتتىك ارحيۆكە تاپسىرادى», دەلىنگەن.