ءماجىلىس دەپۋتاتى, «اmanat» پارتياسى فراكتسياسىنىڭ مۇشەسى ەربولات ساتىبالدين باس پروكۋرور بەرىك اسىلوۆ پەن ەكولوگيا جانە تابيعي رەسۋرستار ءمينيسترى ەرلان نىسانباەۆقا اقبوكەندەردىڭ اياۋسىز قىرىلۋىنا قاتىستى دەپۋتاتتىق ساۋال جولدادى. وندا سالالىق مينيسترلىك قابىلداعان رەگلامەنتكە ساي جۇمىس اتقارىپ جاتپاعانىن جەتكىزدى.
ە.ءساتىبالديننىڭ ايتۋىنشا, كەزىندە 2 ميلليونعا دەيىن وسكەن كيىكتىڭ سانى 2003 جىلى 21 مىڭ باسقا كەمىپ كەتكەن.
«بىلتىردان بەرى «كيىكتىڭ قاتارى قويۋلانىپ كەتتى, ەگىنگە تۇسەدى» دەگەن شارۋالاردىڭ ءۋاجىن ەستىپ جاتىرمىز. سول سەبەپتى 2024 جىلدان باستاپ كيىكتى ازايتۋعا مەملەكەتتىك ورگانداردان رەسمي تۇردە رۇقسات بەرىلدى. الايدا قۇزىرلى ورىندار «ازايتۋ» دەگەندى «اياۋسىز قىرۋ» دەپ تۇسىنگەن سياقتى. تاياۋدا ۇلىتاۋ وبلىسى جاڭاارقا اۋدانىنىڭ قىزىلجار اۋىلىندا «وحوتزووپروم» ءوب قىزمەتكەرلەرىنىڭ كيىك سانىن ازايتۋ جەلەۋىمەن بۋاز كيىكتەردى اتىپ جاتقانى جەرگىلىكتى تۇرعىنداردىڭ نارازىلىعىن تۋدىردى», دەدى دەپۋتات.
بۇل رەتتە ول كيىكتەردىڭ پوپۋلياتسياسىن شارۋالارعا زيان تيگىزبەيتىندەي, حالىقتى دۇربەلەڭگە سالمايتىنداي ەتىپ رەتتەۋ قاجەتتىگىن ەسكە سالدى. ونىڭ ايتۋىنشا, «وحوتزووپروم» ءوب قىزمەتكەرلەرىنىڭ جاساعان بۇل قادامىنا قۇزىرەتتى ورىندار قۇقىقتىق باعاسىن بەرۋى كەرەك.
«اتالعان مەكەمە قىزمەتكەرلەرىنىڭ سالالىق مينيسترلىك قابىلداعان رەگلامەنتكە ساي جۇمىس اتقارماعانى بەلگىلى بولدى. بىرىنشىدەن, اقبوكەندەر اۋىل ماڭىنا 10 شاقىرىم جاقىنداعاندا جاۋاپتى مەكەمە قىزمەتكەرلەرى ەلدى دۇرلىكتىرمەي, حالىققا ءبىرىنشى كەزەكتە قۇلاقتاندىرۋ, اقپاراتتاندىرۋ جۇمىستارىن جۇرگىزۋى كەرەك. ەكىنشىدەن, اقبوكەندەردىڭ پوپۋلياتسياسىن شەكتەۋ شارالارىن ورىنداۋ – جاپپاي قىرۋ ەمەس. اقبوكەندەر تابىنىن سانيتارلىق رەتتەۋ ءۇشىن اقساق-توقساعىن, كارى-قۇرتاڭىن, اۋرۋ-سىرقاۋىن ءبىرىنشى نىساناعا الۋ كەرەك. ۇشىنشىدەن, ەڭ باستىسى, اقبوكەندى بۋاز كەزىندە ازايتۋ شارالارى ىسكە اسىرىلماۋعا ءتيىس», دەدى ە.ساتىبالدين.
وسى جايتتاردى ەسكەرە كەلە, ول اتالعان ۆەدومستۆو باسشىلارىنا دەپۋتاتتاردىڭ مىناداي ۇسىنىستارىن جەتكىزدى: «باس پروكۋراتۋرا ماسەلەنىڭ ءمانىن تەرەڭ قاراستىرىپ, «وحوتزووپروم» ءوب قىزمەتكەرلەرىنىڭ ءىس-ارەكەتتەرىنە قۇقىقتىق باعاسىن بەرۋى كەرەك; ەكولوگيا جانە تابيعي رەسۋرستار مينيسترلىگىنىڭ كيىك سانىن ازايتۋعا باعىتتالعان شارالاردى تولىق پىسىقتاپ, ءتيىستى رەگلامەنتكە وزگەرىستەر ەنگىزۋى قاجەت; ءتيىستى رەگلامەنتكە كيىكتەردىڭ تابىنىن رەتتەۋدى اقبوكەننىڭ لاعى اياقتانعان كەزەڭ مەن كۇيەككە تۇسەر مەزگىل اراسىندا, ياعني قازان, قاراشا ايلارىندا ىسكە اسىرىلۋعا ءتيىس دەگەن وزگەرىستىڭ ەنگىزىلگەنى ماڭىزدى; كيىكتى اتۋدىڭ ماۋسىمدىق شارالارىن ىسكە اسىرۋدا جاۋاپسىزدىق تانىتقان قىزمەتكەرلەرگە شارا قولدانىلسىن».