التى ءتىلدى مەڭگەرگەن

ابزالدىڭ ايتۋىنشا, ءارتۇرلى حا­لىقتىڭ ءتىلى مەن مادەنيەتىن ءبىلۋ سول ارقىلى ءداستۇرىن تەرەڭ تۇسىنۋگە قىزى­عۋشىلىق مەكتەپتە وقىپ جۇرگەن كەزىندە باستالعان. سوندىقتان ول مەكتەپتى بىتىرگەن سوڭ ارمانداعان كاسىبىنىڭ مامانى بولسام دەگەن ماقساتپەن قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ اۋدارما ءىسى بو­­يىن­شا ماماندىعىنا وقۋعا تۇسەدى. كەيىن جوعارى وقۋ ورنىن ءتامامداپ, قو­لىنا ديپ­­لوم العان سوڭ اسكەر قاتارىنا الىنادى.

جاس سارباز اسكەري بورىشىن وتەپ ءجۇرىپ تە شەت تىلدەرىن ۇيرەنۋدى جال­عاستىرۋ ۇستىندە. ءوزىنىڭ ايتۋىنشا, ادامعا ەڭ باس­تى كەرەگى – نيەت پەن تا­باندىلىق. سارباز بوس ۋاقىتىنىڭ بار­لىعىن كىتاپ­حانادا وتكىزەدى, سول جەردە شەت تىلىندەگى كوركەم  ادەبيەت پەن ءتۇرلى تاقى­رىپتاعى شىعارمالاردى وقيدى.

ء«وزىمنىڭ انا تىلىمنەن باسقا, ورىس, اعىلشىن, قىتاي, قىرعىز, وزبەك تىلدەرىندە ەركىن سويلەي الامىن. «ەكى ءتىلدى بىلەتىن – ەكى ادامعا تۇرارلىق كىسى» دەپ بەكەر ايتىلماسا كەرەك-ءتى. سەبەبى وزگە ۇلت وكىلىمەن ءوز تىلىندە سويلەسسەڭ تەز ءتىل تابىسىپ كەتەسىڭ, ءبىر-ءبىرىڭدى ءتۇسىنۋ دە وڭايعا تۇسەدى. ءوزىڭ قازاق بولا تۇرا باسقا ۇلتپەن دە سولاردىڭ تىلىندە ەركىن سويلەسۋ ادامعا راحات ءبىر سەزىم سىيلايدى, وزگەلەردىڭ ءتىلىن ءتۇسىنىپ, ويىڭدى سولاردىڭ تىلىندە جەتكىزە الۋ دا ءبىر ونەر ەكەنىن سوندا ۇعىناسىڭ», دەيدى ابزال جاڭاباي.

جاس سارباز – اسكەري-ەسەپتىك مامان­دىقتى مەڭگەرۋ ىسىندە دە ءوزىنىڭ ەڭبەك­قور­لىعىمەن دارالانعان ازامات. ول تاجىريبە مەن ءبىلىمدى ءاردايىم قاتار الىپ جۇرگەندى قالايدى. اسكەري سالانىڭ مامانى رەتىندە ءوزىن ۇنەمى كاسىبي تۇرعىدا دامىتۋمەن اينالىسادى. ونىڭ ءبىلىمدى, ءتارتىپتى ازاماتقا ءتان ءجۇرىس-تۇرىسى, ساربازدىق ادال قاسيەتى قاشان دا كوپكە ۇلگى. سونداي-اق ول ارىپتەستەرىنە قالاي ءتىلدى ەركىن مەڭ­گەرۋ كەرەكتىگى جونىندە اقىل-كەڭەس بەرۋدەن ەشقاشان جالىققان ەمەس.

شىمكەنت