مەملەكەتتىك ساتىپ الۋ بارىسىندا كاسىپكەرلەر قۇقىقتارىنىڭ ساقتالۋىنا جۇرگىزىلگەن تالداۋ ناتيجەلەرى بويىنشا مەديتسينالىق مەكەمەلەر 75 كاسىپكەرگە كەپىل قارجىنى قايتارماعانى بەلگىلى بولدى. بۇل تۋرالى استانا قالالىق پروكۋراتۋراسى حابارلادى, دەپ جازادى Egemen.kz.
قۇزىرلى مەكەمە مەديتسينالىق مەكەمەلەردىڭ 75 كاسىپكەرگە 2,3 ملن تەڭگەدەن استام بەرەشەگىن انىقتاعان.
«مەملەكەتتىك ساتىپ الۋ تۋرالى زاڭنىڭ نورمالارىنا سايكەس ءونىم بەرۋشى مەملەكەتتىك ساتىپ الۋ تۋرالى شارت بويىنشا ءوز مىندەتتەمەلەرىن تولىق جانە تيىسىنشە ورىنداعان كۇننەن باستاپ بەس جۇمىس كۇنى ىشىندە قايتارادى. سارىارقا اۋدانى پروكۋراتۋراسىنىڭ پروكۋرورلىق قاداعالاۋ اكتىسى نەگىزىندە كاسىپكەرلەرگە كەلىسىمشارت سومماسىنىڭ 3% مولشەرىندە كەپىلدىك تولەم قايتارىلىپ, كىنالى تۇلعالار تارتىپتىك جاۋاپكەرشىلىككە تارتىلدى», دەلىنگەن حابارلامادا.