ادىلەت ءمينيسترى ر.تۇسىپبەكوۆتىڭ توراعالىق ەتۋىمەن كوميتەتتەر, قۇرىلىمدىق بولىمشەلەر مەن ۆەدومستۆولىق باعىنىستى ۇيىمدار باسشىلارىنىڭ قاتىسۋىمەن كەزەكتى القا وتىرىسى بولىپ ءوتتى.
وندا...
“قازاقستان رەسپۋبليكاسى ادىلەت مينيسترلىگىنىڭ زاڭ شىعارۋ ينستيتۋتى” مەملەكەتتىك مەكەمەسىنىڭ قىزمەتى جانە دۇنيەجۇزىلىك ەكونوميكالىق بانكتىڭ “دۋينگ بيزنەس” جانە دۇنيەجۇزىلىك ەكونوميكالىق فورۋمنىڭ باسەكەگە قابىلەتتىلىك جاھاندىق يندەكسىنىڭ رەيتينگتەرىندەگى پوزيتسيانى جاقسارتۋ جونىندەگى جۇمىس بارىسى قارالدى.
ادىلەت ءمينيسترى ر.تۇسىپبەكوۆ ينستيتۋتتىڭ قۇرىلعانىنا جارتى جىلدان از ۋاقىت وتكەنىمەن, ولاردىڭ ءوز قىزمەتىن جەتىلدىرۋ بويىنشا ناقتى جۇمىس اتقارعانىن اتاپ كورسەتتى. سونىمەن قاتار, وتكەن جىلى دا, قازىرگى ۋاقىتتا دا بيزنەستى ءجۇرگىزۋ كەزىندە اكىمشىلىك كەدەرگىلەردى جەڭىلدەتۋ بويىنشا ەداۋىر جۇمىس جۇرگىزىلگەنى ايتىلدى.
سول سياقتى حالىقارالىق رەيتينگتەگى پوزيتسيانى جاقسارتۋ ماقساتىندا مينيسترلىكتىڭ قۇرىلىمدىق بولىمشەلەرىنە اقپاراتتىق-ناسيحات جۇمىستارىن جانداندىرۋ جانە حالىقارالىق ۇيىمدار وكىلدەرىمەن, جاھاندىق باسەكەگە قابىلەتتىلىك رەيتينگىنىڭ الەۋەتتى رەسپوندەنتتەرىمەن ءوزارا بايلانىستى جانداندىرۋ ءجونىندە تاپسىرما بەرىلدى, دەپ حابارلادى ادىلەت مينيسترلىگىنىڭ ءباسپاسوز قىزمەتى.