مەملەكەت باسشىسى قاسىم-جومارت توقاەۆتىڭ «ەgemen Qazaqstan» گازەتىنە بەرگەن سۇحباتى رەسپۋبليكامىزدىڭ قوعامدىق-ساياسي, رۋحاني كەڭىستىگىندە ەلەۋلى وقيعا بولدى.
ويلى ءارى اسا وزەكتى ماسەلەلەر توڭىرەگىندە قويىلعان ساۋالدارعا مەملەكەت باسشىسى وتە اۋقىمدى پروبلەمالاردى اشىق, بارىنشا ايقىن تۇردە ايتىپ بەرگەن. پرەزيدەنت كەشە, بۇگىن جانە بولاشاق ۇعىمدارى اياسىندا تولعانا وتىرىپ, قازىرگى ياعني زاماناۋي كەزەڭدەگى دۇنيە جۇزىندەگى ەلدەردىڭ باسىم كوپشىلىگىندەگى الۋان ءتۇرلى كەلەڭسىزدىك, كوپتەگەن سىن-قاتەر تۋىنداعان شاعىندا ەلىمىز قانداي بەلەستەردى باعىندىرۋى كەرەك دەگەن ماسەلەگە كوبىرەك ءمان بەردى. سۇحباتتا حالىق اتقارۋعا ءتيىس نەگىزگى مىندەتتەردىڭ ناقتى اتالۋى بەلگىلى ءبىر دارەجەدە ستراتەگيالىق مىندەتتەرمەن ۇندەس ەكەنىن باسا ايتقان ءجون.
وتكەن جىلى قىركۇيەكتە ق.توقاەۆتىڭ قازاقستان حالقىنا ارناعان جولداۋى ەلىمىزدە جاڭا ەكونوميكالىق ۇلگىگە كوشۋ, رۋحانيات سالاسى بويىنشا تىڭ ءارى تەگەۋرىندى ءىس-شارالاردى, ىشكى جانە سىرتقى ساياسات ماسەلەلەرى بويىنشا اتقارىلۋعا ءتيىس مىندەتتەردى مەيلىنشە ناقتى جانە مۇمكىندىكتەردى جاقسى ەسكەرە وتىرىپ, بەلگىلەپ بەرگەن ەدى. ارادا كوپ ۋاقىت وتپەسە دە, سۇحباتتا وسى مىندەتتەردىڭ ورىندالۋ بارىسىنا شولۋ جاسالعان.
ەكونوميكا, رۋحانيات, ساياسات سالاسىندا ابدەن ويلاستىرىلعان ءارى جۇرتشىلىق كوڭىلىنەن شىعاتىن, عىلىمي تۇرعىدان دالەلدەنىپ, دايەكتەلۋى ەش كۇمان تۋعىزبايتىن باتىل, تەگەۋرىندى رەفورمالاردى جۇزەگە اسىرۋ, اقيقاتقا جۇگىنسەك, ايتۋعا عانا وڭاي. ونداي ءىرى وزگەرىستەر قالىڭ جۇرتشىلىقتىڭ, ۇكىمەتتىڭ, ءتۇرلى ينستيتۋت پەن بيلىك تارماقتارىنىڭ, زاڭ شىعارۋشى ورگاننىڭ جۇمىلا اتقاراتىن مىندەتىنە جاتادى. ال جاپپاي جۇمىلۋ ءۇردىسى ەل بىرلىگى, ۇلت تۇتاستىعى, قازاقى ۇعىممەن ايتقاندا, ءبىر جەڭنەن قول, ءبىر جاعادان باس شىعارعاندا عانا جۇزەگە اسادى. پرەزيدەنتتىڭ ايرىقشا استىن سىزىپ, ەكپىن ءتۇسىرىپ ايتقانى دا وسى. بىرلىك قانا بارشا تىرلىگىڭە, باعىندىرار بەلەسىڭە, بەلگىلەگەن مىندەتىڭدى ەڭسەرۋگە باستايدى.
ءبىر جايتقا ەرەكشە دەن قويعان ابزال: ول – ء«بىز وزىق ويلى ۇلت رەتىندە تەك قانا العا قاراۋىمىز كەرەك» دەگەن وي. اقيقاتىندا دا سولاي. وزىق ويلى ۇلت قانا بولاشاعىنا سەنىممەن قاراي الادى. وسىنداي ۇلت قانا حالىقتىڭ الەۋمەتتىك حال-احۋالىنا باستى نازار اۋدارادى. ينۆەستيتسيا تارتۋ, ەكونوميكانى ءارتاراپتاندىرۋ, ءبىلىم بەرۋ ءىسىن وزىق تەحنولوگيالىق يننوۆاتسياعا ساي ۇيىمداستىرۋ, ۇلتتىڭ جاڭا ساناسىن قالىپتاستىرۋ مەن قوعامنىڭ قۇندىلىقتار جۇيەسىن جاڭعىرتۋ, حالىقتىڭ عاسىرلار بويعى جاساعان عالامات مۇراسىن, ۇلتتىق بولمىسىن جاڭعىرتۋ – ءبارى دە توڭىرەگىڭدى ءجىتى باعامداپ, ايقىن باعىت-باعدار ۇستانۋعا, اتقارىلۋعا ءتيىس مىندەتتەردى ابىرويمەن, ادال ورىنداۋعا باستايدى, ۇلتجاندىلىقتى, ءپاتريوتيزمدى كۇشەيتەدى. ال بۇلار, سايىپ كەلگەندە, ادىلەتتى قازاقستانعا ايقىن جولدى نۇسقايدى.
ماۋەن حامزين,
«Bolashaq» اكادەمياسىنىڭ پروفەسسورى, فيلولوگيا عىلىمدارىنىڭ دوكتورى