پرەزيدەنتتىڭ جىلاشار كەزەڭدەگى سۇحباتىندا ەلىمىزدىڭ 2023 جىلعى ىشكى جانە سىرتقى باسىمدىقتاردى قامتيتىن ماڭىزدى اسپەكتىلەرىن كەڭىنەن تالداپ, قورىتىندىلادى.
رەسپۋبليكا بويىنشا مەكتەپتەردىڭ, سونىڭ ىشىندە «جايلى مەكتەپتەردىڭ» قۇرىلىسى باستالىپ, اۋىلداردا دەنساۋلىق ساقتاۋ نىساندارىنىڭ بوي كوتەرۋى قۋانتادى. مەديتسينا قىزمەتكەرلەرىنىڭ مەكتەپتە, كوللەدجدە جانە بالاباقشادا جۇمىس ىستەيتىن پەداگوگتەردىڭ جالاقىسى ءوستى. ازاماتتاردىڭ, ەڭ الدىمەن, بالالار مەن ايەلدەردىڭ قاۋىپسىزدىگىن نىعايتۋ اتاپ ءوتىلدى. ۇلتتىق قوردان بالالارعا قارجى بەرۋ ماسەلەسىن رەتتەيتىن زاڭ كۇشىنە ەندى. ەلىمىزدە جاستاردى قولداۋدىڭ مۇنداي اۋقىمدى ءىس-شاراسى ەل تاريحىندا تۇڭعىش رەت قولعا الىندى.
مەملەكەت باسشىسى رۋحانياتتى دامىتۋعا ەرەكشە كوڭىل ءبولىپ وتىر. 2024 جىلى ەلىمىزدە دۇنيەجۇزىلىك كوشپەلىلەر ويىندارى وتەتىنى اتاپ ءوتىلدى. بۇل ءىس-شارا ۇلتتىق سپورت تۇرلەرىن كەڭىنەن ناسيحاتتاۋعا عانا ەمەس, مادەني بايلانىستى نىعايتۋعا دا سەپتىگىن تيگىزەدى. سونداي-اق تاريحي وقيعالاردى جانە قازاقستان بىرەگەيلىگىن قالىپتاستىرۋداعى تۇلعالاردىڭ ءرولىن ناسيحاتتاۋ قاجەت. مەملەكەت باسشىسى كورنەكتى تاريحي تۇلعالاردى – بەلگىلى عالىم قانىش ساتباەۆتىڭ 125 جىلدىعىن جانە باتىرلار ساعادات نۇرماعامبەتوۆ پەن راحىمجان قوشقارباەۆتىڭ تۋعانىنا 100 جىل تولۋىن اتاپ ءوتۋ جوسپارىن ءسوز ەتتى. سۇحباتتا قازاقستان تاريحى بويىنشا عىلىمي-زەرتتەۋ جۇمىستارى مەن كوپتومدىق كىتاپ شىعارۋدىڭ ماڭىزدىلىعى ايتىلدى. ارينە, بۇل بىرەگەي جوبا وتاندىق عالىمداردىڭ قاتىسۋىمەن اتقارىلاتىن ۇلكەن, ىجداعاتتى ەڭبەكتى قاجەت ەتەدى.
سۇحبات بارىسىندا كاسىبي كادرلار مەن جاستاردىڭ ءرولى تۋرالى ماسەلە قوزعالدى. مەملەكەت باسشىسى جاستاردىڭ الەۋەتىنە سەنىم ءبىلدىرىپ, جاس كادرلاردى قولداۋعا باعىتتالعان تابىستى رەفورمالاردىڭ ماڭىزدىلىعىن اتاپ ءوتتى. بۇل قادامدار مەملەكەتتىك ورگانداردىڭ جاڭارۋىنا, جاستاردىڭ قوعامدىق ومىردەگى بەلسەندىلىگىن ارتتىرۋعا تىڭ سەرپىن بەرەتىنى انىق.
بولات تىلەپوۆ,
اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى