جالاقىعا قوسا شاكىرتاقى بەرەدى

بارلىق كەزەڭنەن وتكەندەر باع­­دارلاما بويىنشا وڭىرلەرگە جى­بە­رىلىپ, 2 جىل بويى جالاقى­سى­­نا­ قوسىمشا تاعى 300 مىڭ تەڭگە ستي­­­پەنديا الادى. بۇعان قوسا ولار كا­­سى­بي تۇر­عى­دا دامۋدىڭ جولىنا ءتۇ­­سىپ, پەدا­گو­گيكالىق دايارلىقتان وتەدى.

«Teach for Qazaqstan» باع­دار­­لاماسى – ءبىلىم ساپاسىن ارت­­تىرۋعا باعىتتالعان «Teach For All» جاھاندىق جەلىسىنىڭ ءبىر بولىگى. ونىڭ نەگىزىن 2007 جىلى اقش-تاعى «Teach for America» ۇكىمەتتىك ەمەس ۇيىمىنىڭ باسشىسى ۆەندي كوپپ پەن انگليالىق «Teach First» ۇكىمەتتىك ەمەس ۇيىمىنىڭ باسشىسى برەتت ۋيگدورتس قالاعان. بۇگىندە بۇل باستاما الەمنىڭ 62 ەلىندە ءساتتى جۇزەگە اسىپ كەلەدى. ال ەلىمىزدە اتالعان باعدارلاما مامان تاپشى وڭىرلەرگە ۇزدىك پەداگوگتەردى تارتۋ, سول ارقىلى بارلىق بالاعا بىردەي ساپالى ءارى زاما­ناۋي ءبىلىم الۋ مۇمكىندىكتەرىن جاساۋ, ءبىلىم ساپاسىنداعى تەڭسىز­دىك­تى جويۋ ماقساتىندا بىلتىردان باستاپ قولعا الىندى.

«Teach for Qazaqstan» باع­دار­­­لا­ما­سىنا پەداگوگيكالىق با­عىت­تا ءبىلىم العان, باكالاۆريات/ماگيس­تراتۋرا بىتىرگەنى تۋرالى ديپ­لومى بار, بىراق وسى سالادا تاجىريبەسى جوق ماماندار جانە پەداگوگيكالىق ەمەس باعىتتاعى بولسا دا باكالاۆر/ماگيستراتۋرا دەڭگەيىندە ءبىلىم العان ادامدار نەمەسە جوعارى وقۋ ورنىندا پەداگوگيكالىق ماماندىقتىڭ 4-كۋرسىندا وقىپ جۇرگەن ستۋدەنتتەر قاتىسا الادى.

باعدارلاماعا قاتىسۋ­شى­لار­دى ىرىكتەۋ 4 كەزەڭنەن تۇرادى. قاتىسۋعا نيەتتى جاندار ەڭ الدىمەن teachforqazaqstan.org رەسمي سايتىنا كىرىپ, ونلاين-ساۋالناما تولتىرۋى كەرەك. ساۋالناما سۇراقتارى قازاق جانە ورىس تىلدەرىندە بەرىلگەن. مۇندا ءار قاتىسۋشى ءوزى تۋرالى جەكە اقپارات, ماماندىق اتا­ۋىن, وقۋ ۇلگەرىمىنىڭ ورتاشا بالىن (GPA) كورسەتەدى, نە سەبەپتى باعدارلاماعا قاتىسۋعا نيەت بىلدىرگەنى تۋرالى موتيۆاتسيالىق ەسسە جازۋى قاجەت. ەكىنشى كەزەڭدە اسەسسورلارمەن ونلاين-سۇحبات بولادى. ءۇشىنشى وف­لاين كەزدەسۋ كەزەڭىندە كاسىبي جانە پەداگوگيكالىق بىلىگى انىق­تالادى. سوڭعى كەزەڭدە قاتىسۋشى ماماندىعىنا قاراي پاندىك تەست تاپسىرما­لارىن ورىندايدى نەمەسە ادىسكەرلەرمەن سۇحباتتاسادى. بۇل كەزەڭدە قاتىسۋشىنىڭ تەك پاندىك ءبىلىمى تەكسەرىلەدى. بارلىق كەزەڭنەن وتكەن ۇمىت­كەرلەر سەرىك­تەس­ جوعارى وقۋ ورىندارىنا قايتا دايار­لاۋعا جىبەرىلەدى.

باعدارلاماعا قاتىسۋشىلار الداعى وقۋ جىلىنان باستاپ جۇمىس ىستەۋگە, قونىس اۋدارۋعا دايىن بولۋعا, قازاقستان ازاماتى بولۋى جانە مۇعالىمدەرگە ارنالعان جازعى ينستيتۋت­ باع­دار­لاماسىن بىتىرۋگە مىندەتتى. بۇل جوباعا قاتىسۋعا نيەت بىل­دىرگەندەر قازاق ءتىلى, ورىس ءتىلى, اعىلشىن ءتىلى, تاريح, گەوگرافيا, ينفورماتيكا, ماتەماتيكا, بيولوگيا, فيزيكا, حيميا پاندەرىنىڭ بىرىنەن ساباق بەرەدى. سوندىقتان وسى پاندەرگە سايكەس كەلەتىن ماماندىقتى بىتىرگەن بولۋى شارت. مىسالى, قازاق ءتىلى پانىنەن ساباق بەرۋگە نيەتتى ادام قازاق ءتىلى فيلولوگياسىن نەمەسە لينگۆيستيكانى وقىعان بولۋعا ءتيىس.

«Teach for Qazaqstan» باع­دار­­لا­ماسى قايتا دايارلاۋ جازعى ينس­تيتۋتىندا تەگىن وقىتىپ, رەس­مي تۇردە جۇمىسقا ورنالاس­تى­رادى. سونىمەن قاتار ەكى جىل­دىق كەلىسىمشارت اياسىندا مەكتەپتىڭ جالا­قىسى مەن قو­سىم­شا 300 مىڭ تەڭگە ستيپەنديا تاعايىندايدى, كوۋ­­­­چينگتىك جانە ادىستەمەلىك قول­داۋ كورسەتەدى. سونداي-اق قاتى­سۋ­شى­لار قۇندى تاجىريبە جيناق­تاپ, وڭىرلەردەگى الەۋمەتتىك جوبا­لار­دىڭ جۇزەگە اسۋىنا اتسا­لىسا الا­دى. «Teach for All» جاھان­دىق جەلى­سىنىڭ, حالىقارالىق نەتۆور­كينگ­تىڭ تولىققاندى مۇشەسى بولادى.

قىسقاسى, باعدارلامادا باق­ سى­ناپ كورۋدى قالايتىندار 5 اق­پان­­­­عا دەيىن ءوتىنىم بەرە الادى. ال ىرىك­تەۋدەن وتكەن باعدارلاما قاتى­سۋ­ش­ى­­لارى مۇعالىمدەر جەتىسپەيتىن شال­عاي وڭىرلەرگە, شاعىن قالالار مەن اۋىلدارعا اتتانادى.