باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ دەرەكتەرى بويىنشا قازىرگى ۋاقىتتا 10 178 ادام ىزدەستىرىلىپ جاتىر, دەپ جازادى Egemen.kz ۆەدومستۆونىڭ مالىمەتىنە سۇيەنىپ.
ولاردىڭ ىشىندە 2 098 ادام حابار-وشارسىز كەتكەندەردىڭ ساناتىندا. جوعالعان ادامداردىڭ سانى الماتى قالاسىندا باسىم - 278. ودان كەيىن قاراعاندى وبلىسى - 217; پاۆلودار وبلىسى - 170; الماتى وبلىسىندا 152 ادام جوعالعاندار تىزىمىندە تۇر.
«ۇيدەن كەتىپ, ورالماعان - 1 572 ادام, اۆتوكولىكپەن جوعالعان – 73 , جۇمىستان حابار-وشارسىز كەتكەندەردىڭ سانى - 38. كوبىنەسە 30-دان 49 جاس ارالىعىنداعى ەر ادامدار ءارتۇرلى جاعدايلاردا جوعالادى (77%). سونداي-اق تەرگەۋ مەن سوتتان جاسىرىنعان 2 378 ادام ىزدەستىرىلىپ جاتىر. ىزدەۋدە جۇرگەندەر نەگىزىنەن 31 مەن 40 جاس ارالىعىنداعى ەر ادامدار (89%). ولاردىڭ ىشىندە الاياقتىق (526), ۇرلىق (309) جانە ادام ءولتىرۋ (143) دەرەگى بويىنشا ىزدەۋ جاريالانعان», دەپ جازىلعان اقپاراتتا.
قازاقستاندا ىزدەستىرۋ جۇمىستارىن ىشكى ىستەر ورگاندارى, ەكونوميكالىق تەرگەۋ قىزمەتى جانە سىبايلاس جەمقورلىققا قارسى قىزمەت اتقارادى.