باتىس قازاقستان وبلىسىنىڭ قاراتوبە اۋدانىندا «قاراتوبە ارلانى» اتتى گرەپپلينگ سپورت كلۋبى اشىلدى.
گرەپپلينگ سپورتى – سوڭعى كەزدە وتە قارقىندى دامىپ, جاسوسپىرىمدەردىڭ قىزىعۋشىلىعىن وياتىپ جۇرگەن جەكپە-جەك ءتۇرى. الەمدە كەڭ تاراعان بۇل سايىس كۇشتى مەيلىنشە ۇنەمدەپ, شاپشاڭ جەڭىسكە جەتۋدىڭ ءتيىمدى ءتاسىلىن تابۋىمەن ەرەكشەلەنەدى ەكەن.
جاڭا سپورت كلۋبى قاراتوبە اۋداندىق مادەنيەت, تىلدەردى دامىتۋ, دەنە شىنىقتىرۋ جانە سپورت ءبولىمىنىڭ قولداۋىمەن اشىلدى. كلۋبتىڭ اشىلۋ سالتاناتىنا ورال قالاسىنان گرەپپلينگ وبلىستىق فەدەراتسياسىنىڭ توراعاسى اعا جاتتىقتىرۋشى الماز يحسانوۆ, وسى كۇرەستەن الەم چەمپيوندارى ازامات مەڭعايىر مەن ارمات قابدولوۆ ارنايى كەلدى. ولار جەكپە-جەكتىڭ ءادىس-تاسىلدەرىن كورسەتىپ, شەبەرلىك ساباعىن وتكىزدى.
– ءبىز بۇل ۇيىرمەنى جەرگىلىكتى جاستاردىڭ سۇراۋىنا ساي اشىپ وتىرمىز. جاستاردىڭ سپورتقا دەگەن ىنتاسىن قولداۋىمىز كەرەك. ەپتى, جىگەرلى, ءتوزىمدى, قايراتتى, ەر مىنەزدى ەل قورعانى بولاتىن جىگىتتەر وسىنداي ۇيىرمەلەردە قۇرىشتاي شىڭدالىپ شىعادى, – دەيدى اۋداندىق مادەنيەت, تىلدەردى دامىتۋ, دەنە شىنىقتىرۋ جانە سپورت ءبولىمى باسشىسى ماۋلەن سالاحادەن.
باتىس قازاقستان وبلىسى