«بىرىڭعاي جيناقتاۋشى زەينەتاقى قورى» اق «ۇلتتىق قور - بالالارعا» جوباسى بويىنشا قاراجات الاتىن بالالاردىڭ ءتىزىمىن جاريالادى. بۇل تۋرالى قوردىڭ ءباسپاسوز قىزمەتى مالىمدەدى, دەپ جازادى Egemen.kz.
«بجزق جوباسىنىڭ وپەراتورى «ۇلتتىق قور - بالالارعا» جوباسى بويىنشا العاشقى ترانسفەرتتەردى الاتىن قازاقستاندىقتاردىڭ ءتىزىمىن ازىرلەدى, 2024 جىلى 18 جاسقا تولاتىنداردى قوسقاندا 7 ميلليونعا جۋىق بالا اقشا الادى. ءتىزىم تەكسەرىلىپ جاتىر», دەلىنگەن قور حابارلاماسىندا.
قور «ۇلتتىق قور - بالالارعا» جوباسى بويىنشا العاشقى تولەمدەر بيىل اقپان ايىندا جۇزەگە اسىرىلاتىنىن حابارلادى.
ەسكە سالايىق, 2024 جىلدىڭ 1 قاڭتارىنان باستاپ «ۇلتتىق قور - بالالارعا» جوباسى ىسكە قوسىلدى. وعان سايكەس, بارلىق بالالارعا جىل سايىن ۇلتتىق قوردىڭ ينۆەستيتسيالىق كىرىسىنىڭ 50%-ى ەسەپتەلەدى.بالالار 18 جاسقا تولعانعا دەيىن ينۆەستيتسيالىق كىرىس مەرزىمىنەن بۇرىن الۋ قۇقىعىنسىز ەسەپتەلەدى. بالا 18 جاسقا تولعاندا بجزق-دا وعان ارنالعان نىسانالى جيناقتاۋ شوتتارى اشىلادى. بۇل شوتتان اقشانى تۇرعىن ۇيگە جانە ءبىلىم الۋعا پايدالانۋعا بولادى.بجزق 18 جاسقا دەيىنگى بالالار تۋرالى دەرەكتەردى ء(تاا, جسن) «جەكە تۇلعالار» مەملەكەتتىك دەرەكتەر قورىنان الىپ وتىرادى. ءبىر بالاعا ارنالعان ماقساتتى تالاپتاردىڭ سوماسى وسى مالىمەتتەر نەگىزىندە ەسەپتەلەدى.بالاسىنىڭ باعدارلاماعا قاتىسۋشى بولعانى تۋرالى اقپاراتتى اتا-انالار egov.kz پورتالىنداعى جەكە كابينەتتەن الا الادى.