ەلىمىزدە ءتورت ت ۇلىك يەلەرىنە جاڭا تىيىم ەنگىزىلدى

قازاقستاندا مال ۇرلىعى جالپى قىلمىستىڭ 3 پايىزىن (42 354-ءتىڭ 1477-ءسى) قۇرايدى. تۇتاستاي العاندا كورسەتكىش تومەن بولعانمەن ۇرلىقتىڭ بۇل ءتۇرى قاراپايىم حالىققا ايتارلىقتاي جاپا شەكتىرىپ تۇر.

ءىىم مال ۇرلاۋ فاكتىسىنىڭ ءتۇبىن تەكسەرە كەلە وسى تيپتەگى ۇرلىق قاراۋسىز جايىلىپ جۇرگەن مالدارعا قاتىستى كوپ تىركەلەتىنىن انىقتاعان. ساندارعا سۇيەنسەك, وتكەن جىلى بولعان مال ۇرلىعىنىڭ 1477-دەن 1111-ءى ت ۇلىكتى قاراۋسىز قالدىرۋ سەبەبىنەن بولعان.

«سوڭعى 5 جىلدا مال ۇرلىعىن 62,5 پايىزعا, ونىڭ ىشىندە 2023 جىلى 16,3 پايىزعا دەيىن ازايتتىق.  مۇنىمەن توقتاپ قالمايمىز, وسى باعىتتاعى جۇمىستار تۇراقتى جۇرگىزىلىپ جاتىر.

ءتورت ت ۇلىكتىڭ قاۋىپسىزدىگىن قامتاماسىز ەتۋ ماقساتىندا ىشكى ىستەر مينيسترلىگىنىڭ باستاماسىمەن اكىمدىكتەر مالدى جايۋ ەرەجەلەرىن ازىرلەپ, بەكىتتى.  ەرەجەگە ساي ولاردى باقىلاۋسىز جايۋعا تىيىم سالىنادى.

بەلگىلەنگەن ەرەجەنى بۇزعانى ءۇشىن مال يەلەرىنە 3-تەن 10 اەك-كە دەيىن (شامامەن 11- 37 مىڭ تەڭگەگە) ايىپپۇل سالۋ كوزدەلگەن. اكىمشىلىك قۇقىق بۇزۋشىلىق تۋرالى كودەكستىڭ 408-بابى بويىنشا جاۋاپكەرشىلىك بەلگىلەنەدى», دەپ حابارلادى ىشكى ىستەر مينيسترلىگى.

ايتا كەتەيىك, مال ۇرلىعى ءۇشىن بەرىلەتىن ەڭ جوعارعى جازا: مال-مۇلكىن تاركىلەۋ, 12 جىلعا دەيىن باس بوستاندىعىنان ايىرۋ.