ويقاراعايعا وڭ كوزقاراس

قول جەتكىزىلگەن ۋاعدالاس­تىقتاردىڭ اياسىندا 2028 جىلعا دەيىن تاۋ كۋرورتىن كەڭەيتۋ, اتاپ ايتقاندا, اسپالى جولدار سالۋ, شاڭعى تراسسالارىنىڭ ۇزىن­دىعىن ۇلعايتۋ, ەڭىستەردى, پاراپلاندار, گلامپينگ الاڭدارىن جابدىقتاۋ, مەيرامحانالار, كول­دەر مەن ەتنوقالاشىق سالۋ جوس­پارلانىپ وتىر.

جوبانى جۇزەگە اسىرۋ بارىسىندا الماتى وبلىسى اكىمىنىڭ ورىنباسارى رۋستام يساتاەۆ نەگىز­گى ءۇش باعىت بويىنشا مەملەكەت­تىك قولداۋ شارالارى بەلگىلەنگە­نىن باياندادى. ونىڭ ايتۋىنشا, وبلىس باسشىلىعى ينجەنەرلىك-كولىك­تىك ينفراقۇرىلىممەن قامتاما­سىز ەتۋگە, سونداي-اق اكىمشىلىك قولداۋ كورسەتۋگە دايىن.

«قول قويىلعان مەموران­دۋم اياسىندا ينجەنەرلىك ينفرا­قۇرىلىمدى جاقسارتۋ, 15 مۆت قوسىمشا ەلەكتر قۋاتىمەن قام­تاماسىز ەتۋ, تاۋ بوكتەرىندە جاسان­دى قار جاساۋ ءۇشىن سۋمەن جاب­دىقتاۋ جۇيەسىن كەڭەيتۋ بويىنشا ماڭىزدى جۇمىستاردى جۇرگىزۋ جوسپارلانىپ جاتىر. جىلىنا 100 مىڭ تەكشە مەترگە دەيىن, سون­داي-اق تۇرمىستىق قاجەتتىلىك ءۇشىن تاۋلىگىنە 700 تەكشە مەتردى قامتاماسىز ەتەدى. تاعى ءبىر ما­ڭىزدى قادام – گاز قۇبىرى ۋچاس­كەسىنىڭ وتكىزۋ قابىلەتىن ساعاتىنا 1 000 تەكشە مەترگە دەيىن ارتتىرا وتىرىپ, قايتا قۇرۋ كوزدەلگەن. سونىمەن قاتار بايبۇلاق اۋىلىنان ويقاراعايعا دەيىن جۇك جانە جولاۋشىلار تاسىمالى جو­لىن سالۋ جوباسى جۇزەگە اسىرى­لادى. اسا ماڭىزدى قادام جارىق­تاندىرۋ ورناتىلىپ, وتكىزۋ قابىلەتىن ارتتىرا وتىرىپ, تالعار تراكتىسى – ويقاراعاي جولىن قاي­تا جاڭعىرتۋ جوباسى ىسكە اسادى», دەدى ر.يساتاەۆ.

ءسوز سوڭىندا وبلىس اكىمىنىڭ ورىنباسارى وڭىردەگى تۋريزم سالاسىن دامىتۋدىڭ ءبىرىنشى كەزەكتەگى ماڭىزىنا توقتالدى. بۇل ءوڭىردىڭ الەۋەتىن ەسكەرە وتىرىپ, ءتۋريزمدى دامىتۋ جالپى ىلگەرىلەۋدىڭ نەگىزگى فاكتورىنا اينالاتىنىنا سەنىم ءبىلدىردى. تۋريزمگە قۇيىلعان ينۆەستيتسيا وسى سالانىڭ وركەندەۋىمەن قاتار, ءوڭىردىڭ جالپى ەكونوميكالىق جانە الەۋمەتتىك دامۋىنا دا وڭ ىقپال ەتەتىنى تۋرالى ايتتى.

2023 جىلدىڭ 11 ايىنداعى جاعداي بويىنشا تۋريزم سەكتو­رىنداعى نەگىزگى كاپيتالعا سا­لىن­عان ينۆەستيتسيا 51 ملرد تەڭ­گەنى قۇرادى, قوسىمشا 1 750 ادام­عا جۇمىس بەرىلگەن.

الماتى وبلىسى