قارجىلىق مونيتورينگ اگەنتتىگىنىڭ الماتى وبلىسى بويىنشا دەپارتامەنتى قازاقستان, تمد جانە الىس شەت ەل اۋماعىندا جۇمىس ىستەگەن «1WIN» ونلاين-كازينوسىنىڭ زاڭسىز قىزمەتىنە قاتىستى سوتقا دەيىنگى تەرگەۋدى باستادى, دەپ حابارلايدى Egemen.kz اتالعان ۆەدومستۆونىڭ ءباسپاسوز قىزمەتىنە سىلتەمە جاساپ.
ونلاين-پلاتفورما زاڭسىز ويىن بيزنەسىن ۇيىمداستىرۋمەن قاتار, مىڭداعان وتانداسىمىزدى تارتىپ, ءتيىستى ليتسەنزياسىز بۋكمەكەرلىك قىزمەت كورسەتكەن. اقشالاي قاراجات ينتەرنەت-ەكۆايرينگ ارقىلى اۋتەنتيفيكاتسياسىز قابىلدانعان, بۇل ءتىپتى كامەلەتكە تولماعاندارعا دا قۇمار ويىندارعا قاتىسۋعا مۇمكىندىك بەرەدى.
2023 جىلدىڭ وزىندە-اق ونلاين-كازينو اينالىمى شامامەن 4 ملرد تەڭگەنى قۇراعان.
«تەرگەۋ ءالى دە جالعاسادى. ونلاين-كازينو سايتى بۇعاتتالدى, ءتورت ۇيىمداستىرۋشى حالىقارالىق ىزدەۋگە جاريالاندى. تاركىلەنۋگە جاتاتىن م ۇلىككە جانە جالپى سوماسى 1,5 ملرد تەڭگە اقشالاي قاراجاتقا تىيىم سالىندى. سونداي-اق «Mercedes-Maybach S500» جانە «Lamborghini Huracan» اۆتوكولىكتەرى تاركىلەندى. قر قپك-ءنىڭ 201-بابىنا سايكەس بۇدان وزگە اقپارات جاريا ەتىلمەيدى», دەلىنگەن حابارلامادا.
قارجىلىق مونيتورينگ اگەنتتىگى قازاقستان رەسپۋبليكاسىنىڭ زاڭناماسىنا سايكەس ەلدە ونلاين-كازينو قىزمەتىنە تىيىم سالىنعانىن, ال بۋكمەكەرلىك قىزمەتتەر ءتيىستى ليتسەنزيا بولعان جاعدايدا عانا كورسەتىلەتىنىن ەسكەرتەدى.