قازاقستان پرەزيدەنتى قاسىم-جومارت توقاەۆ جاڭا جىل باستالا سالا «Egemen Qazaqstan» گازەتىنە اۋقىمدى سۇحباتىندا ەكى جىل بۇرىن بولعان قايعىلى وقيعادان كەيىن ەڭ كۇردەلى ساۋالدارعا جاۋاپ بەردى.
2022 جىلعى نارازىلىق اكتسياسى زورلىق-زومبىلىققا ۇلاسقان, 2023 جىلعى كونستيتۋتسيالىق رەفورمالاردان كەيىن پرەزيدەنت توقاەۆ تابيعي بايلىقتارى مول ەلدىڭ ەكونوميكالىق دامۋىنا, ازيا مەن ەۋروپانىڭ ساۋداسىندا ماڭىزدى ءرول يەلەنەتىنىنە سەنىمدى. باسىلىمنىڭ باس ديرەكتورى ديحان قامزابەك ۇلىنا بەرگەن سۇحباتىندا تياناقتى جانە جوسپارلى ارەكەت جاسايتىنىن, ماقساتقا جەتۋ ءۇشىن ۇزدىكسىز العا ۇمتىلاتىنىن اتاپ ءوتتى.
حالىقارالىق ۆاليۋتا قورى مەن دۇنيەجۇزىلىك بانكتىڭ بولجامدارىنا سەنسەك, 2023-2024 جىلدارى ەل ەكونوميكاسىنىڭ ءوسىمى 3-4 پايىزدان اسپايدى. مەملەكەت باسشىسىنان العا قويعان ماقساتقا قالاي قول جەتكىزۋگە بولاتىنى سۇرالدى. «ارينە, بۇل – جەتۋگە بولاتىن مەجە», دەگەن پرەزيدەنت قازاقستاننىڭ 2022 جىلمەن سالىستىرعاندا ىشكى جالپى ءونىم كولەمى 15 پايىزعا وسكەنىن العا تارتتى. «بۇل – ورتالىق ازياداعى ەڭ جوعارى اقشالاي ءوسىم. جان باسىنا شاققانداعى ىشكى جالپى ءونىم دە ءوسىپ كەلەدى. بۇعان قاتىستى بولجامدى كورسەتكىش بىلتىر 13 مىڭ دوللارعا جۋىقتادى. ونىڭ جىل سايىنعى ءوسىمى 1,6 مىڭ دوللار بولادى دەپ باعالانعان. حالىقارالىق ۆاليۋتا قورىنىڭ بولجامىنا سايكەس 2028 جىلعا قاراي بۇل كورسەتكىش 30 پايىزدان دا كوبىرەك ارتىپ, 16,8 مىڭ دوللارعا جەتەدى», دەدى توقاەۆ.
«ۇكىمەت ەكونوميكانى باسقارۋدىڭ تىڭ تاسىلدەرىن قولدانا السا, جاڭا ايتىلعان جاقسى بولجامدار اقيقاتقا اينالادى», دەيدى ول. سونداي-اق اۋقىمدى دامۋ جوسپارلارى مەن جوبالارىنا توقتالدى. ماڭىزدى مىندەتتىڭ ءبىرى – ينۆەستيتسيا تارتۋ. «قوماقتى ينۆەستيتسيا بولسا, ەكونوميكا قارقىنى ۇدەي تۇسەدى جانە جاڭا مۇمكىندىكتەر پايدا بولادى», دەدى توقاەۆ.
تەڭگەرىمدى ساياسات جالعاسادى
پرەزيدەنت قاسىم-جومارت توقاەۆ «Egemen Qazaqstan» گازەتىندە جاريالانعان سۇحباتىندا قازاقستان بيلىگى ۇلتتىق مۇددەلەردى ەسكەرىپ, سىندارلى جانە تەڭگەرىمدى سىرتقى ساياساتتى جالعاستىرۋعا بەكىنىپ وتىرعانىن العا تارتادى.
ء«بىز ۇلت مۇددەسىن ەسكەرە وتىرىپ, سىندارلى ءارى ساليقالى سىرتقى ساياساتتى جالعاستىرامىز. 2024 جىلى ەلىمىزدە بىرقاتار اۋقىمدى سامميت, فورۋمدار وتەدى. قازاقستان بىرنەشە بەدەلدى حالىقارالىق ۇيىمعا, اتاپ ايتساق شانحاي ىنتىماقتاستىق ۇيىمىنا, ۇجىمدىق قاۋىپسىزدىك تۋرالى شارت ۇيىمىنا, ازياداعى ءوزارا ءىس-قيمىل جانە سەنىم شارالارى جونىندەگى كەڭەسكە, تۇركى مەملەكەتتەرى ۇيىمىنا, ارالدى قۇتقارۋ حالىقارالىق قورىنا, ازىق-ت ۇلىك قاۋىپسىزدىگى جونىندەگى يسلام ۇيىمىنا توراعالىق ەتەدى», دەدى توقاەۆ.
قازاقستاندا وتەتىن دۇنيەجۇزىلىك كوشپەلىلەر ويىندارى ۇلكەن وقيعا بولماق. «بايراقتى باسەكە ۇلتتىق سپورت پەن سالاماتتى ءومىر سالتىن دارىپتەۋ جاعىنان دا, ۇلى دالاداعى كوشپەلىلەر وركەنيەتىنىڭ مۇراگەرى سانالاتىن باۋىرلاس حالىقتاردىڭ مادەني-گۋمانيتارلىق بايلانىسىن ارتتىرۋ تۇرعىسىنان دا ماڭىزدى ەكەنى ءسوزسىز», دەپ ءتۇسىندىردى پرەزيدەنت.
توقاەۆ قىركۇيەكتەگى قازاقستان حالقىنا جولداۋىندا جاڭا ەكونوميكالىق مودەلگە كوشۋ مىندەتىن قويعانىن ەسكە سالدى. «2029 جىلعا قاراي جالپى ىشكى ءونىمدى قازىرگىدەن ەكى ەسەگە ارتتىرۋ ماسەلەسىن باستى ستراتەگيالىق ماقسات رەتىندە بەلگىلەدىم. كوپ ۇزاماي ۇكىمەتتىڭ كەڭەيتىلگەن وتىرىسى وتەدى. وندا ەلىمىزدىڭ بىلتىرعى الەۋمەتتىك-ەكونوميكالىق دامۋ قورىتىندىسى شىعارىلىپ, الداعى جۇمىستىڭ امال-تاسىلدەرى ايقىندالادى», دەدى توقاەۆ.
حالىقارالىق قاتىناسقا توقتالدى
قازاقستان پرەزيدەنتى قاسىم-جومارت توقاەۆ رەسپۋبليكالىق «Egemen Qazaqstan» گازەتىنە بەرگەن سۇحباتىندا ساياسي رەفورمالار, ەكونوميكالىق دامۋ جانە حالىقارالىق قاتىناستار تاقىرىبىنا توقتالدى.
اڭگىمەسىن «2023 جىل ەلىمىز ءۇشىن ماڭىزدى وقيعالارعا تولى جىل بولدى», دەپ باستاعان توقاەۆ ءماجىلىس سايلاۋىنا, مەكتەپتەر قۇرىلىسى, دەنساۋلىق ساقتاۋ مەكەمەلەرى مەن الەۋمەتتىك وسال ساناتتاردى قولداۋعا باعىتتالعان الەۋمەتتىك كودەكس ەنگىزىلگەنىن اتاپ ءوتتى.
«وسى جۇمىستىڭ ءبارى 2024 جىلى دا جالعاسادى», دەپ ۋادە ەتكەن پرەزيدەنت جاڭا ەكونوميكالىق ۇلگىگە كوشۋدى جوسپارلاپ وتىرعانىن جەتكىزدى. «2029 جىلعا قاراي ىشكى جالپى ءونىمدى قازىرگىدەن ەكى ەسەگە ارتتىرۋ ماسەلەسىن باستى ستراتەگيالىق ماقسات رەتىندە بەلگىلەدىم. كوپ ۇزاماي ۇكىمەتتىڭ كەڭەيتىلگەن وتىرىسى وتەدى. وندا ەلىمىزدىڭ بىلتىرعى الەۋمەتتىك-ەكونوميكالىق دامۋ قورىتىندىسى شىعارىلىپ, الداعى جۇمىستىڭ امال-تاسىلدەرى ايقىندالادى», دەدى توقاەۆ.
ء«بىز ۇلت مۇددەسىن ەسكەرە وتىرىپ, سىندارلى ءارى ساليقالى سىرتقى ساياساتتى جالعاستىرامىز. 2024 جىلى ەلىمىزدە بىرقاتار اۋقىمدى سامميت, فورۋمدار وتەدى. قازاقستان بىرنەشە بەدەلدى حالىقارالىق ۇيىمعا, اتاپ ايتساق شانحاي ىنتىماقتاستىق ۇيىمىنا, ۇجىمدىق قاۋىپسىزدىك تۋرالى شارت ۇيىمىنا, ازياداعى ءوزارا ءىس-قيمىل جانە سەنىم شارالارى جونىندەگى كەڭەسكە, تۇركى مەملەكەتتەرى ۇيىمىنا, ارالدى قۇتقارۋ حالىقارالىق قورىنا, ازىق-ت ۇلىك قاۋىپسىزدىگى جونىندەگى يسلام ۇيىمىنا توراعالىق ەتەدى», دەدى توقاەۆ.