جايلى جاتاقحانا

ۋنيۆەرسيتەت رەكتورى مارات­بەك­ عابدۋلليننىڭ ايتۋىنشا, قازىرگى كەزدە ستۋدەنتتەرگە جاع­داي جاساۋ ماق­سا­تىندا يگى ىستەر جال­عاسىن تاۋىپ­ جا­تىر. وسىعان وراي جالپى اۋدانى­ 14 مىڭ شارشى مەتردەن اساتىن ەكى جاڭا عيماراتتا 980 ورىندىق جاتاقحانا مەن سپورت كەشەنىنىڭ قۇرىلىسى اياقتالدى. وسىلايشا, وقۋ ورداسى ستۋ­دەنتتەردىڭ تۇرعىن ءۇي قاجەتتىلىگىن قام­تاماسىز ەتىپ وتىرعان ۋنيۆەرسيتەت­تەر قاتارىنا قوسىلدى. جاتاقحانا جوس­پارلانعان مەرزىمىندە تاپسىرىلىپ, قۇرىلىس جۇمىستارى ۋنيۆەرسيتەتتىڭ جەكە قاراجاتى ەسەبىنەن جۇرگىزىلگەن. مەردىگەر – BI-Group قۇرىلىس كوم­پا­­نياسى. ۋنيۆەرسيتەتتەگى ستۋ­دەنت­­تىك باسقارمانىڭ جەتەكشىسى ديانا سەرىكباەۆا جاڭا جاتاقحانا اكا­دە­ميا­لىق وتباسى ءۇشىن ءبىلىم, عىلىم سالاسىندا­ دامۋعا ىقپال ەتىپ, ستۋدەنتتەردىڭ قۇتتى ۇيىنە اينالاتىنىنا سەنىم ءبىلدىردى.

الماتىدا جاتاقحانا تاپشىلىعىن ازايتۋ ماقساتىندا بىلتىرعى جازدان بەرى جوبالىق كەڭسە جۇمىس ىستەپ كەلەدى. قالا اكىمى ەربولات دوساەۆ 2025 جىلدىڭ سوڭىنا دەيىن 12 مىڭ, 2030 جىلدىڭ سوڭىنا دەيىن 20 مىڭ ورىنمەن قامتاماسىز ەتەتىنىن ايتقان بولاتىن. قازىرگى كەزدە جوبانى قولداۋعا 114 الەۋەتتى ينۆەستور ءوتىنىش ءبىلدىرىپ وتىر. قازاقستان-بريتان تەحنيكالىق ۋنيۆەرسيتەتى وسى باعىتتا الماتى قالاسى اكىمدىگىمەن, عىلىم جانە جوعارى ءبىلىم مينيسترلىگىمەن تىعىز بايلانىستا. جاتاقحانا ماسەلەسىنىڭ وزەكتىلىگىن ەسكەرە وتىرىپ, باسقا قالا­دان كەلىپ وقيتىن بارلىق ستۋدەنتتى قام­تاماسىز ەتۋ ماقساتىندا زاماناۋي تالاپ­تارعا ساي جاڭا عيماراتتار سالۋ تۋرالى شەشىم قابىلداعان ەدى.

ۋنيۆەرسيتەتتىڭ اقپاراتتىق تەحنولوگيالار جانە ينجەنەريا مەكتەبىنىڭ ماگيس­ترانتى سيمون نۋتسۋگلونىڭ ايتۋىنشا, جاتاقحانانىڭ اشىلۋى – ۋني­ۆەر­­سيتەت ءۇشىن عانا ەمەس, الەمنىڭ تۇك­پىر-تۇكپىرىنەن كەلگەن ستۋدەنتتەر ءۇشىن دە ما­ڭىزدى وقيعا. ال جاڭا عيمارات جا­ڭا يدەيالار مەن جاڭا جەتىستىكتەرگە جەتە­­لەيدى.

جاتاقحانا كورپۋستارىندا وقۋ, دە­مالىس, اس بولمەلەرى, 120 ورىندىق اكت زالى, 70 ورىندىق اسحانا, كيىم جۋا­تىن ورىندار, توسەك-ورىنداردى قا­بىل­دايتىن جانە تاپسىراتىن بول­مە­لەر قاراس­تىرىلعان. سونداي-اق جەدەل­سا­تى, بەينە­باقىلاۋ كامەرالارى مەن Wi-Fi قو­سىل­عان.

الماتى