استانادا "Okadzaki" مەيرامحانالارىنىڭ بىرىندە تاماقتانعان 37 ادام وزدەرىن جايسىز سەزىنىپ, قاتتى ۇشىنعان, دەپ حابارلايدى Egemen.kz.
بۇل تۋرالى اقپارات الدىمەن الەۋمەتتىك جەلىدە جاريالاندى.
ىلە-شالا قالالىق سانيتاريالىق-ەپيدەميولوگيالىق باقىلاۋ دەپارتامەنتى تەكسەرىس باستالعانىن مالىمدەدى.
قوعامدىق تاماقتانۋ نىسانىنداعى جاپپاي تاعامنان ۋلانۋ جاعدايى وسى ايدا تىركەلگەن. قازىر جوسپاردان تىس تەكسەرۋ ءجۇرىپ جاتىر. ەسىل اۋدانىنىڭ پوليتسيا باسقارماسى سوتقا دەيىنگى تەرگەۋدى باستادى. ءدال وسى "Okadzaki" مەيرامحانالار جەلىسىنىڭ بىرىندە بىلتىر 100-گە جۋىق ادام ۋلانعان.
- Okadzaki مەيرامحاناسىنداعى ۋلانۋ جاعدايى جەلتوقسان ايىندا بولدى, ول بويىنشا قازىرگى ۋاقىتتا ەپيدەمياعا قارسى ءىس-شارالار جۇرگىزىلۋدە. بۇگىنگى كۇنى زارداپ شەككەندەردىڭ سانى - 37 ادام. ءوتىنىش بەرۋشىنىڭ شاعىمى نەگىزىندە جوسپاردان تىس تەكسەرۋ جۇرگىزىلۋدە, - دەلىنگەن قر دسم سانيتاريالىق-ەپيدەميولوگيالىق باقىلاۋ دەپارتامەنتىنىڭ اقپاراتىندا.