ەلىمىزدىڭ بارلىق وڭىرىندە قوعامدىق كولىكتە جول اقىسىن ەلەكتروندى تۇردە تولەۋگە كوشۋ ءۇردىسى اياقتالدى. ونەركاسىپتى دامىتۋ قورى ارقىلى بيىل وڭىرلەردە قالالىق اۆتوبۋستاردى جاڭارتۋعا جەڭىلدىكتى ليزينگ تەتىگى ىسكە قوسىلعان بولاتىن, دەپ حابارلايدى Egemen.kz كولىك مينيسترلىگىنە سىلتەمە جاساپ.
ناتيجەسىندە اۆتوبۋس پاركتەرىنە 2,5 مىڭ كولىك, ونىڭ ىشىندە 774 ەكولوگيالىق تازا اۆتوبۋس جەتكىزىلىپ, توزۋ دەڭگەيىن 13 پايىزعا دەيىن تومەندەتكەن (46% - دان 33% - عا دەيىن).
سونداي-اق بيىل بارلىق ءوڭىر بويىنشا قالالىق اۆتوبۋستار ەلەكتروندى جول اقىسىن تولەۋگە كوشتى. اۆتوبۋستاردى ونلاين رەجيمدە تولىق ديسپەتچەرلىك سۇيەمەلدەۋ – ايالدامالارعا اۆتوبۋستاردىڭ كەلۋى اراسىنداعى ەڭ ۇزاق ارالىقتى 20 مينۋتقا دەيىن قىسقارتسا, الداعى ۋاقىتتا 15 مينۋتقا دەيىن ازايتۋ مىندەتى تۇر.
ايتا كەتسەك, وتكەن جىلدارمەن سالىستىرعاندا بيىل جولاۋشىلار سانى 9%-عا ارتىپ, 1,5 ملرد جولاۋشىنى قۇراعان.