پرەمەر-مينيستر ءاليحان سمايىلوۆتىڭ توراعالىعىمەن وتكەن كەڭەستە «جايلى مەكتەپ» ۇلتتىق جوباسىن ىسكە اسىرۋ بارىسى قارالدى.
كەڭەسكە قاتىسۋشىلار جاڭا ءبىلىم وردالارىن جوبالاۋ جانە سالۋ, ولاردى زاماناۋي جابدىقتارمەن جانە جيھازبەن جاراقتاندىرۋ, مەملەكەتتىك ساراپتاما جۇرگىزۋ, قارجىلاندىرۋ جانە باسقا دا بىرقاتار ماسەلەنى تالقىلادى.
بۇگىنگى تاڭدا 217 مەكتەپ بويىنشا بەلسەندى جۇمىس ءجۇرىپ جاتىر. بارلىق ۇدەرىس جوبالىق باسقارۋدىڭ ارنايى اقپاراتتىق جۇيەسىندە باقىلانادى, وندا سونداي-اق ناقتى ۋاقىت رەجىمىندە قۇرىلىس-مونتاجداۋ جۇمىستارىنىڭ بارىسىن باقىلاۋعا بولادى. جالپى, 2026 جىلعا دەيىن ۇلتتىق جوبا اياسىندا 740 مىڭ وقۋشىعا ارنالعان جاڭا فورماتتاعى 369 مەكتەپ سالۋ كوزدەلگەن.
ءاليحان سمايىلوۆتىڭ ايتۋىنشا, ۋاكىلەتتى مەملەكەتتىك ورگاندار مەن ۇيىمدار جۇمىستاردىڭ ورىندالۋ ساپاسىن مۇقيات قاداعالاپ, نىسانداردىڭ باعاسىن نەگىزسىز كوتەرۋگە جول بەرمەۋگە ءتيىس. مەكتەپتەردى بەلگىلەنگەن مەرزىمدە تاپسىرۋ قاجەت.