كەشە ءتۇن اۋعانشا جاڭبىر سەبەلەپ, ونىڭ ارتى كوكتايعاققا ۇلاستى دا, تاڭەرتەڭ اقتۇتەك بوران باستالىپ كەتتى. سينوپتيكتەردىڭ بولجامىنشا, جەلدىڭ كۇشى سەكۋندىنا 30 مەتردەن اسادى. قازىر وڭىردە قارلى بوران كۇشەيىپ, جول ءۇستىن قالىڭ تۇمان باسىپ تۇر. داۋىل تۇرۋى مۇمكىن دەگەن ەسكەرتۋ جاريالاندى, دەپ حابارلايدى Egemen.kz.
وڭىردە رەسپۋبليكالىق جانە وبلىستىق ماڭىزى بار 7 اۆتوجول كولىكتىڭ بارلىق ءتۇرى ءۇشىن جابىق تۇر. پوليتسيا وبلىس تۇرعىندارىنا جولعا شىعۋعا بولمايتىنىن, كولىك جۇرگىزۋشىلەرگە قالا ىشىندە اراقاشىقتىق پەن جىلدامدىقتى ساقتاۋدى ەسكەرتىپ جاتىر.
وبلىستىق پد كوكتايعاق پەن اق بوراننىڭ سالدارىنان جول اپاتى جيىلەگەنىن حابارلادى. ماسەلەن, بۇگىن وبلىس ورتالىعىندا بولعان ءبىر عانا جول-كولىك وقيعاسىندا ءبىر-بىرىمەن بىردەن 10 اۆتوكولىك قاقتىعىسىپ, 1 ادام اۋرۋحاناعا جەتكىزىلگەن.
قوستاناي وبلىسى