الەۋمەتتىك جەلىدە بەلگيالىق وتباسى اسىراپ العان 21 جاستاعى ەددي جاننىڭ قازاقستانداعى تۋعان اتا-اناسىن ىزدەپ جۇرگەنى تۋرالى اقپارات تاراعان بولاتىن, دەپ حابارلايدى Egemen.kz.
سول كەزدە بىلگەنىمىزدەي, وعان دۇنيەگە كەلگەندە جانىبەك دەگەن ەسىم تاڭىلعان. الايدا, قازىر ەددي جان ءوزىن مۇرات دەپ اتاپ ءجۇر.
مۇرات ءبىرشاما ۋاقىت بويى ءوزى تۋعان جەردى ارالاپ, اناسىن ىزدەدى. كەيىن ول اناسىن كورمەيىنشە قايتپايتىنىن مالىمدەدى. ال جاقىندا جەلىدەگى پاراقشاسىنا كەزەكتى جازباسىن جاريالاپ, ومىرىندە وزگەرىس بولۋى ەكەنىن ايتقان.
"كورەمىز" باعدارلاماسىنا قاتىسقان شەتەلدىك قازاق بالاسى تاعى ءبىر اناسى بولۋى مۇمكىن ايەلدىڭ دنق سىناما تاپسىرعانىن جاريالادى. سونداي-اق, قوستانايعا بارىپ, ۇزاق جولعا شىققان.
"بۇل پوستتى جازۋىمنىڭ نەگىزگى سەبەبى: جاقىندا مەنىڭ ءومىرىم جايلى شىعارىلىم ەفيرگە جول تارتپاق. ونى بارلىعى ۇلكەن تەلەديداردان نەمەسە يۋتۋب ارناسىنان كورۋىنە بولادى. ەگەر انامنان ەشقانداي حابار بولماسا, بۇنىمەن توقتامايمىن. ىزدەيمىن, زەرتتەۋلەردى جالعاستىرامىن. سونىمەن دوستار, جاقىندا مەنىڭ ءومىرىمدى وزگەرتەتىندەي ۇلكەن جاڭالىقتار بولۋى مۇمكىن", - دەپ جازدى ول.
ەسكە سالايىق, بۇعان دەيىن بەلگيالىق ايەل اسىراپ العان قازاقتىڭ بالاسى اناسىن ىزدەيتىنى حابارلاندى. بۇل تۋرالى جۋرناليست ولجاس بەركىنباەۆ الەۋمەتتىك جەلىدەگى پاراقشاسىندا جاريالادى.