تانىمال ساياحاتشى-بلوگەر ەۆگەني پلەسوۆسكيح ۇشاق بورتىندا بوسانۋ پروتسەسىندە بارشا ءبىلۋ كەرەك مالىمەتتەردى ءمالىم قىلدى. ول قازىرگى تاڭدا بورتسەرىكتەر (ستيۋارد, ستيۋاردەسسا) ۇشۋ كەزىندە وسىنداي جاعداي بولا قالسا كومەكتەسۋگە دايىن ەكەنىن ايتتى. بلوگەردىڭ سوزىنشە بارلىق اۆياكومپانيا قىزمەتكەرلەرى ۇشاقتا جۇكتى ايەلدى بوساندىرۋ جايىن ارنايى وقىپ, ۇيرەنەدى, دەپ جازادى Egemen.kz.
جۇكتى ايەلدەردىڭ بوسانۋ مەرزىمى جاقىنداعان سايىن ۇشاققا وتىرۋى شەكتەلەدى. دەسە دە كۇتپەگەن جەردەن, ۋاقىتىنان بۇرىن تولعاق كەلىپ, ۇشاقتا دۇنيەگە كەلەتىن سابيلەر دە بار.
ساندارعا سۇيەنسەك, ۇشاق بورتىندا جىلىنا 5-6 بالا دۇنيە كەلەدى ەكەن. جۇكتى انانىڭ بالاسىن قۇشاعىنا الۋ ءۇشىن بورتسەرىكتەر ءتيىستى كومەك كورسەتەدى. ال بالانىڭ ازاماتتىعىنا قاتىستى تاڭداۋ كوپ.
ەۆگەني پلەسوۆسكيح اۋەدە دۇنيەگە كەلگەن بالانىڭ اتا-اناسى ءسابيىنىڭ ازاماتتىعىن الاردا 3 نۇسقا بويىنشا تاڭداۋ جاساي الادى دەيدى:
العاشقىسى اۋەلاينەرىن شىعارعان مەملەكەت; اۋەدە ۇشۋ كەزىندە بالانىڭ قاي ەل تەرريتورياسىندا دۇنيەگە كەلگەنى انىقتالىپ, تاڭداۋ سول مەملەكەتكە تۇسەدى; ءۇشىنشىسى ۇشاقتىڭ سوڭعى ايالداماسى بولعان, اۋەلاينەرى قونعان مەملەكەت.قىزىعى, ۇشاق بورتىندا دۇنيەگە كەلگەن بالاعا اۋەكومپانيالارى ءومىر بويى تەگىن ۇشۋ قىزمەتىن ۇسىنىپ جاتادى.